ഇന്ന് അഷ്ടമി രോഹിണി; നാടെങ്ങും വിപുലമായ ആഘോഷം

ശ്രീകൃഷ്ണ ഭഗവാൻ്റെ ജന്മദിനമായാണ് അഷ്ടമി രോഹിണി (Ashtami Rohini) ദിവസം ആചരിക്കപ്പെടുന്നത്. പേര് സൂചിപ്പിക്കുന്നത് പോലെ, ചിങ്ങ മാസത്തില്‍ രോഹിണി നക്ഷത്രവും അഷ്ടമിയും ഒത്തുചേർന്ന ദിവസത്തിലാണഅ ശ്രീക‍ൃഷ്ണൻ അവതരിക്കുന്നത്.ഇക്കൊല്ലത്തെ അഷ്ടമി രോഹിണി വരുന്നത് സെപ്റ്റംബർ 14 ഞായറാഴ്ച്ചയാണ്. ലോകത്ത് നന്മ ഇല്ലാതായ സമയത്താണ് ധർമ്മം പുനസ്ഥാപിക്കുന്നതിനായി മഹാവിഷ്ണു കൃഷ്ണനായി അവതരിച്ചതെന്നാണ് ഹിന്ദു വിശ്വാസം.
ചിങ്ങമാസത്തിലെ അഷ്ടമിരോഹിണി നാളിലാണ് ശ്രീകൃഷ്ണൻ ജനിച്ചത്. മഥുരയിലെ രാജകുടുംബത്തിലെ വസുദേവരുടേയും ദേവകിയുടേയും എട്ടാമത്തെ പുത്രനായാണ് ശ്രീകൃഷ്ണൻ്റെ അവതരണം. അധികാര തനിക്ക് മാത്രം വേണമെന്ന അധിയായ മോഹത്താല്‍ ദേവകിയുടെ സഹോദരൻ കംസനാകട്ടെ ദേവകിയേയും ഭർത്താവ് വസുദേവരേയും തടവിലാക്കുന്നു. എന്നാല്‍ പിന്നീട് വന്ന ഒരു അശരീരി കംസൻ്റെ ഉറക്കം കെടുത്തുന്നു.
ദേവകിയുടെ എട്ടാമത്തെ പുത്രൻ തന്നെ കൊല്ലുമെന്ന അശരീരിയാണ് കംസനെ ഭയപ്പെടുത്തിയത്. തുടർന്ന് ദേവകി പ്രസവിച്ച ആറ് കുട്ടികളേയും കംസൻ വധിച്ചു. ഏഴാമത്തെ പുത്രനായ ബലരാമൻ്റെ ഗർഭം ദേവകിയുടെ ഉദരത്തില്‍ നിന്നും രോഹിണിയിലേക്ക് മാറ്റപ്പെട്ടു. അങ്ങനെ തിമിർത്ത് പെയ്യുന്ന പേമാരിക്കും ആഞ്ഞടിച്ച കൊടുങ്കാറ്റിനുമിടെ രോഹിണി നാളില്‍ ശ്രീകൃഷ്ണൻ പിറന്നുവീണു. കംസൻ തൻ്റെ മകനെ കൊല്ലമെന്ന ഭയത്താല്‍ ഉടൻ തന്നെ വസുദേവര് അമ്ബാടിയിലുള്ള നന്ദഗോപരുടേയും യശോദയുടേയും അടുത്ത് കുട്ടിയെ എത്തിച്ചു.
പകരം നന്ദഗോപരുടെ പത്നിയായ യശോദ പ്രസവിച്ച പെണ്‍കുഞ്ഞിനെ തിരികെ ദേവകിയുടെ അടുത്തു കിടത്തി. സഹോദരി എട്ടാമത്തെ കുഞ്ഞിന് ജന്മം നല്‍കിയെന്ന കാര്യം അറിഞ്ഞ കംസൻ മായാദേവിയായ ആ ശിശുവിനെ വിധിക്കുവാൻ വേണ്ടി ഇറങ്ങിത്തിരിച്ചു. എന്നാല്‍ അവിടെയെത്തിയ കംസനെ ഞെട്ടിച്ചുകൊണ്ട് ബാലിക ആകാശത്തിലേക്ക് പറന്നുയരുകയും നിൻ്റെ അന്തകൻ ഭൂമിയില്‍ ജനിച്ചുവെന്ന് കംസനോട് പറയുകയും ചെയ്തു.
ശ്രീകൃഷ്ണ ഭഗവാനെ ആരാധിക്കുന്നത് സർവ്വാധിഷ്ഠങ്ങളും സാധിക്കാൻ ഉത്തമമാണ് എന്നാണ് വിശ്വാസം. മഹാവിഷ്ണുവിന്റെ പൂർണാവതാരമായ ശ്രീകൃഷ്ണനെ സന്താനഗോപാല മൂർത്തി ആയാണ് കാണപ്പെടുന്നത്. അതുകൊണ്ടു തന്നെ ശ്രീകൃഷ്ണനെ പ്രാർത്ഥിച്ചാല്‍ സന്താനഭാഗ്യം ഉണ്ടാകും എന്നൊരു വിശ്വാസവുമുണ്ട്. ഗുരുവായൂർ, അമ്ബലപ്പുഴ, ആറന്മുള, പൂർണ്ണത്രയീശ, തെക്കൻ ചിറ്റൂർ, മേജർ നാറാണത്ത്, തിരുവമ്ബാടി, ചേലാമറ്റം, തിരു നക്കര, തിരുവാർപ്പ്, തൃക്കുലശേഖരപുരം, തൃച്ചംബരം, നെയ്യാറ്റിൻകര, തുടങ്ങിയ കേരളത്തിലെ ശ്രീകൃഷ്ണ ക്ഷേത്രങ്ങളിലും തിരുവനന്തപുരം പത്മനാഭസ്വാമി ക്ഷേത്രത്തിലും ഈ ദിവസം ഗംഭീരമായി കൊണ്ടാടും.