ഒപ്പനയിൽ ആറാം വർഷവും എ ഗ്രേഡിൻ്റെ തിളക്കത്തിൽ വയനാട് സെൻറോസല്ലോസ് സ്കൂൾ

തിരൂർ: സംസ്ഥാന സ്പെഷ്യൽ സ്കൂൾ കലോത്സവത്തിൽ അഭിമാനകരമായ നേട്ടം സ്വന്തമാക്കി വയനാട് ജില്ലയിലെ സുൽത്താൻ ബത്തേരി സെൻറോസല്ലോസ് എച്ച്.എസ്.എസ് ഫോർ സ്പീച്ച് ആൻ്റ് ഹിയറിംഗ് സ്കൂൾ. ഹൈസ്കൂൾ, ഹയർ സെക്കൻഡറി വിഭാഗങ്ങളിൽ പങ്കെടുത്ത ഒപ്പന മത്സരത്തിൽ സ്കൂളിന് എ ഗ്രേഡ് ലഭിച്ചു.

​സംസ്ഥാന സ്പെഷ്യൽ സ്കൂൾ കലോത്സവത്തിൽ കഴിഞ്ഞ ആറ് വർഷമായി തുടർച്ചയായി ഒപ്പന മത്സരത്തിൽ എ ഗ്രേഡ് കരസ്ഥമാക്കുന്നതിലൂടെ സെൻറോസല്ലോസ് എച്ച്.എസ്.എസ് തങ്ങളുടെ കലാമികവ് ഒരിക്കൽ കൂടി തെളിയിച്ചിരിക്കുകയാണ്. ശ്രവണ പരിമിതിയുള്ള വിദ്യാർത്ഥികൾ താളബോധത്തോടെ ചുവടുകൾ വെച്ച് വേദിയെ വിസ്മയിപ്പിച്ചു.

​വിദ്യാർത്ഥികൾക്ക് ഒപ്പന ചുവടുകൾ പരിശീലിപ്പിക്കുന്നത് അധ്യാപകരായ ഷൈനി ജോർജ്, ഷെറിൻ എന്നിവരാണ്. ഇവരുടെ പ്രയത്നവും കുട്ടികളുടെ കഠിനാധ്വാനവുമാണ് ഈ നേട്ടത്തിന് പിന്നിൽ. ഓരോ വർഷവും മികച്ച പ്രകടനമാണ് കുട്ടികൾ കാഴ്ചവെക്കുന്നതെന്നും തുടർച്ചയായുള്ള ഈ നേട്ടത്തിൽ ഞങ്ങൾക്ക് അതിയായ അഭിമാനവും
സന്തോഷവുമുണ്ടെന്നും സിസ്റ്റർ സ്റ്റെഫീന പറഞ്ഞു. കലയോടുള്ള വിദ്യാർത്ഥികളുടെയും പരിശീലകരുടെയും സമർപ്പണമാണ് ഈ സ്ഥിരതയുള്ള വിജയത്തിന് കാരണമെന്ന് സ്കൂൾ അധികൃതർ അഭിപ്രായപ്പെട്ടു.