വിലകൂടിയ 7 മത്സര പ്രാവുകളെ മോഷ്ടിച്ച് കൊന്നു, കണ്ടെത്തിയത് കടയുടെ വരാന്തയില്‍
തിരൂരങ്ങാടി മുനിസിപ്പല്‍ പരിധിയിലെ പതിനാറുങ്ങലിലെ പഴക്കടയുടെ വരാന്തയിലാണ് പ്രാവുകളെ കൊന്നിട്ട നിലയില്‍ കണ്ടതായി സാമൂഹികമാധ്യമങ്ങളില്‍നിന്ന് വിവരം ലഭിച്ചത്. സ്ഥലത്തെത്തിയ പ്രാവുടമ കൊലചെയ്യപ്പെട്ടത് തന്റെ പ്രാവുകളാണെന്ന് തിരിച്ചറിഞ്ഞു. 25,000 രൂപ യുടെ നഷ്ടം സംഭവിച്ചതായി സിദ്ദീഖ് അഞ്ചപ്പുര പറഞ്ഞു. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു.
