വൻ കഞ്ചാവ് വേട്ട, 178 കിലോ കഞ്ചാവുമായി 2 പേർ പിടിയിൽ
ചെമ്മാട്: ആന്ധ്രാപ്രദേശിൽ നിന്ന് കാറിൽ കൊണ്ട് വരികയായിരുന്ന കഞ്ചാവുമായി ദേശീയപാത എ ആർ നഗർ തലപ്പാറയിൽ 2 പേർ പിടിയിൽ. ഇടിമൂഴിക്കൽ സ്വദേശി ഫിറോസ് എന്ന ഹസ്സൻ കുട്ടി (43), ഫറോക് പെരുമുഖം സ്വദേശി അബ്ദുൽ ഖാദർ (44) എന്നിവരാണ് പിടിയിലായത്.
2 കിലോയുടെ പാക്കറ്റുകളാക്കിയ കഞ്ചാവുമായി വരുന്നതിനിടെയാണ് പിടിയിലായത്. ഇവർ പ്രദേശത്തെ ചെറുകിട കച്ചവടക്കാർക്ക് വിതരണം ചെയ്യാൻ വന്നതായിരുന്നു.
പരപ്പനങ്ങാടി എക്സൈസ് സംഘം പിന്തുടർന്നു പിടികൂടുകയായിരുന്നു. കഞ്ചാവ് കടത്താൻ ഉപയോഗിച്ച കാറും കസ്റ്റഡിയിലെടുത്തു
