കക്കൂസിലെ വെള്ളമെടുത്ത് പാനി പൂരി; കട നാട്ടുകാര്‍ തല്ലിത്തകര്‍ത്തു

കോലാപൂര്‍: കക്കൂസിലെ വെള്ളമുപയോഗിച്ച് പാനുപൂരിയുണ്ടാക്കിയ കട നാട്ടുകാര്‍ തല്ലിത്തകര്‍ത്തു. മഹാരാഷ്ട്രയിലെ കോലാപൂരിലാണ് സംഭവം. കോലാപൂരിലെ രാണ്‍കല തടാകത്തിന് സമീപത്ത് സ്ഥിരമായി കച്ചവടം നടത്തിയ വ്യക്തിയാണ് ശുചിമുറിയില്‍ നിന്നുള്ള വെള്ളം ഭക്ഷണത്തിലുപയോഗിച്ച് പാനി പൂരിയുണ്ടാക്കി വില്‍പന നടത്തിയത്. ‘

‘മുംബൈ കേ സ്‌പെഷ്യല്‍ പാനി പൂരി വാല’ എന്ന കടയിലാണ് ഇത്തരത്തില്‍ സംഭവവമുണ്ടായത്. തടാക പരിസരത്ത് നിരവധി സന്ദര്‍ശകരെത്തുന്ന സ്ഥലമാണ്. ഇയാളുടെ കടയില്‍ മിക്ക സമയത്തും പാനി പൂരി കഴിക്കാനെത്തുന്നവരുടെ നല്ല തിരക്ക് അനുഭവപ്പെട്ടിരുന്നു.

റോഡരികിലെ പൊതുകക്കൂസില്‍ നിന്നായിരുന്നു വെള്ളം എടുത്തിരുന്നത്. കച്ചവടക്കാരന് ശുചിമുറിയില്‍ നിന്നുള്ള വെള്ളമുപയോഗിച്ച് കാന്‍ നിറയ്ക്കുന്ന ദൃശ്യങ്ങള്‍ പുറത്ത് വന്നതോടെ നാട്ടുകാർ കട അടിച്ചു തകര്‍ത്തു.