കഞ്ചാവുമായി രണ്ടുപേർ അറസ്റ്റിൽ
പെരിന്തല്‍മണ്ണ: സ്‌കൂട്ടറില്‍ കടത്തുന്നതിനിടെ മൂന്നുകിലോ കഞ്ചാവുമായി രണ്ടുപേരെ എക്സൈസ് സംഘം അറസ്റ്റ് ചെയ്തു. പാങ്ങ് പുളിവെട്ടി തേനാംപിലാക്കല്‍ മുഹമ്മദ് കബീര്‍ (27), പാങ്ങ് കമ്പനിപ്പടി മുരിങ്ങത്തോട്ടില്‍ ഫാരിസ് (35) എന്നിവരാണ് പിടിയിലായത്.
മൂര്‍ക്കനാട് പാങ്ങ് ഭാഗത്ത് വാഹന പരിശോധനക്കിടെയാണ് ഇവരെ എക്സൈസ് ജില്ല രഹസ്യാന്വേഷണ വിഭാഗവും പെരിന്തല്‍മണ്ണ റേഞ്ച് സംഘവും ചേര്‍ന്ന് പിടികൂടിയത്. ഒന്നര ലക്ഷത്തോളം രൂപ വിലവരുന്ന കഞ്ചാവ് വില്‍പനക്ക് കൊണ്ടുവന്നതാണെന്ന് എക്സൈസ് അധികൃതര്‍ അറിയിച്ചു. പ്രതികളെ മഞ്ചേരി ജയിലില്‍ റിമാന്‍ഡ് ചെയ്തു.
രഹസ്യാന്വേഷണ വിഭാഗം ഇന്‍സ്‌പെക്ടര്‍ മുഹമ്മദ് ഷഫീഖ്, ഷിജുമോന്‍, മുഹമ്മദ് അബ്ദുൽ സലീം, പ്രിവൻറിവ് ഓഫിസര്‍ ഫ്രാന്‍സിസ്, അസി. എക്സൈസ് ഇന്‍സ്‌പെക്ടര്‍ അജികുമാര്‍, സി.ഇ.ഒമാരായ അരുണ്‍കുമാര്‍, അബിന്‍രാജ് എന്നിവരാണ് എക്സൈസ് സംഘത്തിലുണ്ടായിരുന്നത്.