ഉപഭോക്തൃ വാരാചരണത്തിന്റെ ഭാഗമായി മുതിർന്ന ഉപഭോക്താക്കളെ ആദരിച്ചു.

താനൂർ: സംസ്ഥാന പൊതുവിതരണ വകുപ്പ്
ഡിസംമ്പർ 18 മുതൽ ഒരാഴ്ച കാലം നടത്തുന്ന
ഉപഭോക്ത്യ വാരാചരണത്തിന്റെ ഭാഗമായി റേഷൻ കടകളിലെ മുതിർന്ന ഉപഭോക്താക്കളെ ആദരിച്ചു.

തിരുർ താലുക്ക്
സപ്ലൈ ഓഫിസിന്റെ ആഭിമുഖ്യത്തിൽ താനാളൂരിൽ നടന്ന ചടങ്ങ് ഗ്രാമ പഞ്ചായത്ത് വൈസ് പ്രസിഡന്റ് വി.അബ്ദുറസാഖ് ഉദ്ഘാടനം ചെയ്തു. എ.ആർ.ഡി 9 ലെ മുതിർന്ന ഉപഭോക്താവായ എം.പി.അബ്ദുൽ ഖാദർ ഹാജിയെ ചടങ്ങിൽ ആദരിച്ചു.
റേഷനിംഗ് ഇൻസ്പെക്ടർ കെ.എസ്.രാജൻ അദ്ധ്യക്ഷത വഹിച്ചു.

വ്യാപാരി വ്യവസായി ഏകോപന സമിതി സെക്രട്ടറി യു. മുഹമ്മദ് സലിം, ക്ലബ്ബ് കോ-ഡിനേഷൻ വൈസ് ചെയർമാൻ മുജിബ് താനാളൂർ, ആൾ കേരള റേഷൻ ഡിലേഴ്സ് അസോസിയേഷൻ തിരുർ താലുക്ക് രക്ഷാധികാരി വി.മുസ്തഫ, സെക്രട്ടറി ജഹഫർ തണ്ടത്ത് എന്നിവർ സംസാരിച്ചു.