എൻ.എസ്.എസ്.ക്യാമ്പിൽ തൊഴിൽ നൈപുണ്യ പരിശീലന പരിപാടി സംഘടിപ്പിച്ചു.
ആലത്തിയൂർ: കെ.എച്ച്.എം ഹയർ സെക്കണ്ടറി സ്ക്കൂളിലെ എൻ.എസ്.എസ്.ക്യാമ്പിൽ തൊഴിൽ നൈപുണ്യ പരിശീലന പരിപാടി സംഘടിപ്പിച്ചു. കൗമാരക്കാരിൽ യുവ തൊഴില്‍ശക്തിയെ നൈപുണ്യമുള്ളവരാക്കുന്നതിനും സ്വദേശത്തും വിദേശത്തും തൊഴില്‍ ചെയ്യുന്നതിന് പ്രാപ്തമായ ലോക നിലവാരത്തിലേക്ക് അവരുടെ കഴിവുകള്‍ ഉയര്‍ത്തുന്നതിനും വേണ്ടി അതിജീവനം എൻ.എസ്.എസ് ക്യാമ്പിൻ്റെ ഭാഗമായി തൊഴിൽ നൈപുണ്യ പരീശീലനം സംഘടിപ്പിച്ചു.
തൊഴിലിൻ്റെ മഹത്വത്തെപ്പറ്റി വള്ളത്തോൾ എ.യു.പി സ്ക്കൂൾ അധ്യാപകൻ നസീബ്.കെ.പി ക്ലാസ്സെടുത്തു. പ്രകൃതി സൗഹൃദ സ്കൂൾ ക്യാരി ബാഗ് നിർമ്മാണത്തിന് സെൻ്റ് മൈക്കിൾസ് ഗേൾസ് എച്ച്.എസ്.എസിലെ പേളി വയലറ്റ് പരേര ക്ലാസ്സെടുത്തു.
പരിശീലന പരിപാടിക്ക് പ്രിൻസിപ്പാൾ ടി. സുനത, ടി. സൈനുദ്ധീൻ, ഷബീർ നെല്ലിയാളി അഫീല റസാക്ക്, കെ. സുവർണ്ണ, കെ. ആസിഫ, എൻ.എസ്.എസ് പ്രോഗ്രാം ഓഫീസർ ജംസീർ ഐ.പി, പ്രവീൺ എ.സി എന്നിവർ നേതൃത്വം നൽകി