വൈറ്റ് വാട്ടര്‍ കയാക്കിങ്: കേരള ടീമിന് യാത്രയയപ്പ് നൽകി
തൃശൂര്‍: ഇന്ത്യൻ കയാക്കിങ് ആന്‍ഡ് കനോയിങ് അസോസിയേഷന്‍ ഭോപാലില്‍ സംഘടിപ്പിക്കുന്ന ദേശീയ വൈറ്റ് വാട്ടര്‍ കയാക്കിങ് ചാംപ്യന്‍ഷിപ്പില്‍ പങ്കെടുക്കുന്ന 11 അംഗ കേരള ടീമിന് യാത്രയപ്പ് നൽകി. ചടങ്ങ് ജയരാജ് വാര്യർ ഉദ്ഘാടനം ചെയ്തു.
തൃശൂരില്‍ നിന്നും തിരുവനന്തപുരം- നിസാമുദ്ദീന്‍ എക്‌സ്പ്രസിനാണ് സംഘം പുറപ്പെട്ടത്. നിസ്തുല്‍ ജോസ്, നിതിന്‍ ദാസ്, കെവിന്‍ കെ. ഷാജി, നികില്‍ ദാസ്, ആദര്‍ശ് കെ., എസ്. എ. പനിമയ പ്രിയദര്‍ശിനി, ആദം മാത്യു സിബി എന്നീ മത്സരാര്‍ത്ഥികളും കോച്ച് സിബി മത്തായി, മാനേജര്‍ ശ്രീരഥ് കൃഷ്ണന്‍ തുടങ്ങിയവരാണ് സംഘത്തിലുള്ളത്. ജനുവരി ഏഴ് മുതല്‍ ഒമ്പത് വരെയാണ് ചാംപ്യന്‍ഷിപ്പ് നടക്കുക. മദ്ധ്യപ്രദേശിലെ നെൽഹായ് ഘട്ട് രഹ്തി സെഹോർ നര്‍മ്മദ നദിയിലാണ് ചാംപ്യന്‍ഷിപ്പ് നടക്കുന്നത്.