കുപ്പായം മാറുന്നതുപോലെ മുന്നണി മാറുന്ന പാര്‍ട്ടിയല്ല മുസ്ലിം ലീഗ്; ഇ പി ജയരാജന്‍ പുകഴ്ത്തിയത് ആശയക്കുഴപ്പമുണ്ടാക്കാന്‍: പി.കെ.കുഞ്ഞാലിക്കുട്ടി
മലപ്പുറം: എന്‍ഡിഎഫ് കണ്‍വീനര്‍ ഇ.പി.ജയരാജന്‍ മുസ്ലിം ലീഗിനെ പുകഴ്ത്തിയത് ആശയക്കുഴപ്പമുണ്ടാക്കാനെന്ന് മുസ്ലിം ലീഗ് ദേശീയ ജനറല്‍ സെക്രട്ടറി പി.കെ.കുഞ്ഞാലിക്കുട്ടി. ചക്കിനു വച്ചത് കൊക്കിനുകൊണ്ടു എന്ന അവസ്ഥയിലാണ് എല്‍ഡിഎഫ് ഇപ്പോള്‍. എല്‍ഡിഎഫിലാണ് ആശുയക്കുഴപ്പമുണ്ടായത്. അവിടെ അസംതൃപ്തര്‍ വര്‍ധിച്ചുവെന്നും മലപ്പുറത്ത് ലീഗ് യോഗത്തിന് മുൻപ് മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം.
കുപ്പായം മാറുന്നതുപോലെ മുന്നണി മാറുന്ന പാര്‍ട്ടിയല്ല മുസ്ലിം ലീഗ്.
കോണ്‍ഗ്രസുമായുള്ള ഞങ്ങളുടെ ബന്ധം കാലത്തിന്റെ വെല്ലുവിളി നേരിടാനുള്ളതാണ്. ദേശീയ തലത്തില്‍ കോണ്‍ഗ്രസില്ലാതെ നടക്കുമോ? സിപിഎം അടക്കമുള്ള മറ്റു
മതേതര കക്ഷികള്‍ കോണ്‍ഗ്രസുമായി ദേശീയതലത്തില്‍ എങ്ങനെ
യോജിക്കണം എന്ന് ആലോചിച്ചു കൊണ്ടിരിക്കുകയാണെന്നും കുഞ്ഞാലിക്കുട്ടി പറഞ്ഞു