വ്യാപാരി വ്യവസായി സമിതി ചെറിയ പെരുന്നാള്‍ കിറ്റ് വിതരണം ചെയ്തു
മലപ്പുറം: ചെറിയ പെരുന്നാളിനോടനുബന്ധിച്ച് കേരള വ്യാപാരി സമിതി മൊറയൂര്‍ യൂണിറ്റ് ഭക്ഷ്യകിറ്റ് വിതരണം ചെയ്തു.
വിതരണോദ്ഘാടനം സമിതി ജില്ലാ പ്രസിഡന്റ് കെ സുബ്രഹ്മണ്യന്‍ മൊറയൂരില്‍ ആദ്യകാല ചുമട്ടുതൊഴിലാളി മാളിയേക്കല്‍ മുഹമ്മദിന് നല്‍കിക്കൊണ്ട് നിര്‍വഹിച്ചു.
മൊറയൂര്‍ ആശ്രയ ട്രസ്റ്റ് ചെയര്‍മാന്‍ കെ ജാബിര്‍ മാസ്റ്റര്‍ മുഖ്യാതിഥിയായിരുന്നു. സമിതി ജില്ലാകമ്മിറ്റി അംഗം പി ഹസനുല്‍ ബന്ന, സമിതി കൊണ്ടോട്ടി ഏരിയാ സെക്രട്ടറി ആര്‍ പി സുലൈമാന്‍, മൊറയൂര്‍ യൂണിറ്റ് പ്രസിഡണ്ട് പി പി ബഷീര്‍, യൂണിറ്റ് സെക്രട്ടറി കെ ഷാജി, വാര്‍ഡ് മെമ്പര്‍മാരായ അസൈനാര്‍ എന്ന ബാബു, പറമ്പാടന്‍ ഹസ്സന്‍, ആബിദ് ഷാ മൊബൈല്‍, കെ നാസര്‍, കോയ മാസ്റ്റര്‍ തുടങ്ങിയവര്‍ സംസാരിച്ചു. മുഹമ്മദ് കുട്ടി ന്യൂ മാക്‌സ് സ്വാഗതവും സുബൈര്‍ പ്രീതി നന്ദിയും പറഞ്ഞു.
ഫോട്ടോ ;കേരള വ്യാപാരി സമിതി മൊറയൂര്‍ യൂണിറ്റിന്റെ ചെറിയ പെരുന്നാള്‍ കിറ്റ് വിതരണം ജില്ലാ പ്രസിഡന്റ് കെ സുബ്രമണ്യന്‍ നിര്‍വഹിക്കുന്നു