മലപ്പുറം ജില്ലാ പഞ്ചായത്ത് ഉദ്യോഗ് 2022 മലപ്പുറം ജില്ലയിലെ 7 കേന്ദ്രങ്ങളിലായി ഗ്രൂമിംഗ് നടത്തും
മലപ്പുറം : മലപ്പുറം ജില്ലാ പഞ്ചായത്ത് മെയ് 29 ന് നിലമ്പൂര്‍ അമല്‍ കോളേജില്‍ വെച്ച് നടത്തുന്ന ഉദ്യോഗ് 2022 മലപ്പുറം എന്ന പരിപാടിയില്‍ പങ്കെടുക്കുവാന്‍ നേരത്തെ രജിസ്റ്റര്‍ ചെയ്ത ഉദ്യോഗാര്‍ത്ഥികള്‍ക്ക് ജില്ലയിലെ പ്രധാനപ്പെട്ട 7 കേന്ദ്രങ്ങളിലായി ഗ്രൂമിംഗ് നടത്തുവാന്‍ ഉദ്യോഗ് 2022 കോര്‍ ടീം യോഗം തീരുമാനിച്ചു. ജോലി സംബന്ധിച്ച ബോധവല്‍ക്കരണം , ജോബ് മാച്ചിംഗ്, ബയോഡാറ്റ പ്രിപ്പറേഷന്‍സ് , കമ്പനികളുമായി അഭിമുഖീകരണം തുടങ്ങിയവ ഇതിലൂടെ പരിചയപ്പെടുത്തും.
മെയ് 16 ന് ഉച്ചക്ക് 2 മണിക്ക് നിലമ്പൂര്‍ അമല്‍കോളേജില്‍ വെച്ച് വിപുലമായ സംഘാടക സമിതി യോഗം ചേരും. ജില്ലാ പഞ്ചായത്ത് മെമ്പര്‍മാര്‍, സംഘാടക സമിതി അംഗങ്ങള്‍, വിവിധ സബ് കമ്മിറ്റി അംഗങ്ങള്‍ എന്നിവര്‍ പങ്കെടുക്കും. ജില്ലാ പഞ്ചായത്തില്‍ ചേര്‍ന്ന യോഗം പ്രസിഡന്റ് എം കെ റഫീഖ ഉദ്ഘാടനം ചെയ്തു. ജില്ലാ പഞ്ചായത്ത് വൈസ് പ്രസിഡന്റും പ്രോഗ്രം ജനറല്‍ കണ്‍വീനറുമായ ഇസ്മായില്‍ മൂത്തേടം, ജില്ലാ പഞ്ചായത്ത് വികസന സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ സറീന ഹസീബ്, ജില്ലാ പഞ്ചായത്ത് മെമ്പര്‍മാരായ പി വി മനാഫ്, പി. കെ. സി അബ്ദുറഹിമാന്‍, ശ്രീദേവി പ്രാക്കുന്ന്, കെ സലീന ടീച്ചര്‍, സമീറ പുളിക്കല്‍, ടി പി ഹാരിസ്, ചീഫ് കോ. ഓര്‍ഡിനേറ്റര്‍ ജബ്ബാര്‍ അഹമ്മദ്, അജ്മല്‍ മൂത്തേടം, കെ എന്‍ ഷാനവാസ് എന്നിവര്‍ പങ്കെടുത്തു.