പൂക്കോട്ടൂര്‍ ഗവ.ഹയര്‍ സെക്കണ്ടറി സ്‌കൂള്‍ ഓഫീസ് കെട്ടിടം ഉദ്ഘാടനം ചെയ്തു
മലപ്പുറം; ജില്ലാ പഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി 15 ലക്ഷം രൂപ ചെലവില്‍ ആധുനിക സൗകര്യങ്ങളോടെ നിര്‍മ്മിച്ച പൂക്കോട്ടൂര്‍ ഗവ.ഹയര്‍ സെക്കണ്ടറി സ്‌കൂള്‍ ഓഫീസ് കെട്ടിടം ജില്ലാ പഞ്ചായത്ത് പ്രസിഡന്റ് എം കെ റഫീഖ ഉദ്ഘാടനം ചെയ്തു.
ചടങ്ങില്‍ ജില്ലാ പഞ്ചായത്ത് മെമ്പര്‍ അഡ്വ. പി വി മനാഫ് അധ്യക്ഷത വഹിച്ചു.മലപ്പുറം ബ്ലോക്ക് പഞ്ചായത്ത് പ്രസിഡന്റ് അഡ്വ. അബദുറഹിമാന്‍ കാരാട്ട്,പൂക്കോട്ടൂര്‍ പഞ്ചായത്ത് പ്രസിഡന്റ് കെ മുഹമ്മദ് ഇസ്മായില്‍ മാസ്റ്റര്‍,പി ടി എ പ്രസിഡന്റ് കെ എം അക്ബര്‍,ഹെഡ്മിസ്ട്രസ്സ് ഇ സുബൈദ,പി ടി എ വൈസ് പ്രസിഡന്റ് സലീം കൊടക്കാടന്‍ തുടങ്ങിയവര്‍ സംസാരിച്ചു. ഈ വര്‍ഷം സര്‍വ്വീസില്‍ നിന്ന് വിരമിക്കുന്ന പ്രധാന അധ്യാപികക്കുള്ള ഉപഹാരം ജില്ലാ പഞ്ചായത്ത് പപ്രസിഡന്റ് നല്‍കി.