കരിപ്പൂരിൽ കസ്റ്റംസ് വീണ്ടും സ്വർണം പിടികൂടി

കരിപ്പൂരിൽ കസ്റ്റംസ് വീണ്ടും സ്വർണം പിടികൂടി
മലപ്പുറം: ഡെപ്യൂട്ടി ഡയറക്ടർ ഡിആർഐയിൽ നിന്നുള്ള രഹസ്യ വിവരങ്ങളുടെ അടിസ്ഥാനത്തിൽ എയർകസ്റ്റംസ് ഉദ്യോഗസ്ഥർ കരിപ്പൂർ വിമാനത്താവളത്തിൽ നടത്തിയ പരിശോദനയിൽ രണ്ട് യാത്രക്കാരിൽ നിന്ന് സംയുക്ത രൂപത്തിലുള്ള 1824 ഗ്രാം സ്വർണം പിടിച്ചെടുത്തു. ഖലീലു റഹ്മാൻ, (27), മുക്കം സ്വദേശി, ദോഹയിൽ നിന്ന് IX374 വിമാനത്തിൽ എത്തിയ യാത്രക്കാരനായിന്നു. വിശദമായ ചോദ്യം ചെയ്യലിൽ 971 ഗ്രാം ഭാരമുള്ള 4 ഗുളികകൾ ഇയാളുടെ മലാശയത്തിൽ ഒളിപ്പിച്ച് വച്ചിരുന്നു.  പിടിച്ചെടുത്ത സ്വർണത്തിന്റെ വിപണി മൂല്യം 42 ലക്ഷം രൂപയാണ്.

മുഹമ്മദ് ഫാസിൽ അരയിലത്ത്, (27), നാദാപുരം സ്വദേശി, ഷാർജയിൽ നിന്ന്  IX354 വിമാനത്തിൽ എത്തിയ ഇയാളെ വിശദമായി പരിശോധിച്ചപ്പോൾ മലാശയത്തിൽ ഒളിപ്പിച്ച 853 ഗ്രാം തൂക്കമുള്ള 4 സ്വർണ ഗുളികകൾ കണ്ടെടുത്തു. പിടികൂടിയ സ്വർണത്തിന്റെ വിപണി മൂല്യം 37 ലക്ഷം രൂപയാണ്. കൂടുതൽ അന്വേഷണം പുരോഗമിക്കുന്നു.80 ലക്ഷത്തിന്റെ സ്വർണമാണ് രണ്ടു പേരിൽ നിന്നായി പിടികൂടിയത്