‘ആദ്യ ‘ മെഗാ ക്വിസ് – 2023 എം എൽ എ നന്ദകുമാർ ഉദ്ഘാടനം ചെയ്തു
ചങ്ങരംകുളം:ഇന്റർനാഷണൽ അക്കൗണ്ടിംഗ് ദിനത്തോടനുബന്ധിച്ച് ‘ആദ്യ സ്കൂൾ ഓഫ് കോമേഴ്സ് സംഘടിപ്പിച്ച മെഗാ ക്വിസ് – 2023 സെഷൻ 2 എം എൽ എ നന്ദകുമാർ ഉദ്ഘാടനം ചെയ്തു .
70 സ്കൂളുകളിൽ നിന്നായി 300 ഓളം വിദ്യാർത്ഥികൾ പങ്കെടുത്തു. ആദ്യ മെഗാ ക്വിസിൽ ഒന്നാം സ്ഥാനം എ വി എച്ച് എസ് എസ് പൊന്നാനിയിലെ വിഷ്ണുപ്രിയ കരസ്ഥമാക്കി. രണ്ടും മൂന്നും സ്ഥാനങ്ങൾ എം.ഇ.എസ് ഹയർസെക്കണ്ടറി സ്കൂളിലെ സോനയും ഐഡിയൽ ഇംഗ്ലീഷ് ഹയർ സെക്കണ്ടറി സ്കൂളിലെ ഫാത്തിമ തസ്‌നീം എന്നീ വിദ്യാർത്ഥികളും കരസ്ഥമാക്കി.വിജയികൾക്കുള്ള സമ്മാനദാനം പൊന്നാനി എം എൽ എ പി. നന്ദകുമാർ നിർവഹിച്ചു.ആദ്യ ഡയറക്ടർ
ഷഹീൻ ഹംസ അധ്യക്ഷത വഹിച്ച ചടങ്ങിൽ ശാഹുൽ ഹമീദ് സ്വാഗതവും ഫൗസിദ ഷഫ്‌റിൻ നന്ദിയും പറഞ്ഞു.
പരിപാടിയിൽ ആലങ്കോട് ഗ്രാമ പഞ്ചായത്ത് പ്രസിഡണ്ട് കെ.വി ഷഹീർ , വൈസ് പ്രസിഡന്റ് പ്രബിത കെ.കെ , ജില്ലാ പഞ്ചായത്ത് അംഗം ആരിഫ നാസർ , പെരുമ്പടപ്പ് ബ്ലോക്ക് പഞ്ചായത്ത് മെമ്പർ വി.വി കരുണാകരൻ എന്നിവർ സംബന്ധിച്ചു .