സ്കൂള് വിദ്യാര്‍ത്ഥികളിലെ ലഹരി ഉപയോഗം തടയാൻ നടപടി; സര്‍ക്കുലറുമായി എക്സൈസ് കമ്മീഷണര്‍
തിരുവനന്തപുരം: സ്കൂളുകളില്‍ വിദ്യാർത്ഥികളുടെ ലഹരി ഉപയോഗം തടയാൻ കർശന നടപടി സ്വീകരിക്കണമെന്ന് സർക്കുലർ ഇറക്കി എക്സൈസ് കമ്മീഷണർ.മെയ് 30 ന് മുമ്ബ് റേഞ്ച് ഇൻസ്പെക്ടർമാർ പരിധികളിലെ സ്കൂളുകള്‍ സന്ദർശിക്കണമെന്നും ജൂണ്‍ 1 മുതല്‍ മഫ്തി പട്രോളിങും ബൈക്ക് പെട്രോളിംഗും നടത്തണമെന്നും സർക്കുലറില്‍ ചൂണ്ടിക്കാണിക്കുന്നു. ജൂണ്‍ മാസം മുഴുവൻ പട്രോളിംഗ് എല്ലാ ദിവസവും നടത്തും. അതുപോലെ തന്നെ സ്കൂള് പരിസരം പൂർണമായും നിരീക്ഷണത്തിലാക്കും.
സ്കൂള് പരിസരത്തെ ഇടവഴികള്‍, ഒഴിഞ്ഞ കെട്ടിടങ്ങള്‍, കുറ്റിക്കാടുകള്‍ അടക്കം നിരീക്ഷണത്തിലാക്കും. കോമ്ബൗണ്ടുകളും പരിശോധിക്കും. ശൂന്യമായ ശുചിമുറികള്‍, ഒഴിഞ്ഞ കെട്ടിടങ്ങള്‍ എന്നിവിടങ്ങള്‍ പരിശോധിക്കുന്നത് കൂടാതെ സ്കൂള് പരിസരത്ത് എത്തുന്ന യുവാക്കളെയും നിരീക്ഷിക്കുെമന്ന് സർക്കുലറിലുണ്ട്. അനാവശ്യമായി എത്തുന്നവരുടെ വിവരങ്ങള്ം ശേഖരിക്കും. സ്കൂള് പരിസരത്ത് വാഹന പരിശോധന നടത്തണമെന്നും എക്സൈസ് കമ്മീഷണറുടെ സർക്കുലർ വ്യക്തമാക്കുന്നു.