ഫ്രഞ്ച് ഫ്രൈസ് പ്രിയരാണോ? എങ്കില്‍ ഇങ്ങനെ തയ്യാറാക്കി നോക്കൂ
ചുമ്മാതിരിക്കുമ്ബോള്‍ വെറുതെയിരുന്ന് കൊറിക്കാൻ പലരും ഇന്ന് കഴിക്കുന്ന വിഭവമാണ് ഫ്രഞ്ച് ഫ്രൈസ്. ഉരുളക്കിഴങ്ങാണ് ഇതിലെ പ്രധാന ചേരുവ.എന്നാല്‍ ഇനി മുതല്‍ ഉരുളക്കിഴങ്ങ് ഉപയോഗിക്കാതെ ഒരു വെറെെറ്റി രീതിയില്‍ ഫ്രഞ്ച് ഫ്രൈസ് തയ്യാറാക്കിയാലോ?. മെക്സിക്കൻ സ്റ്റൈല്‍ ഫ്രഞ്ച് ഫ്രൈസ് എളുപ്പം വീട്ടില്‍ തന്നെ തയ്യാറാക്കാം. ഉരുളക്കിഴങ്ങിന് പകരം പച്ചക്കായ ഉപയോഗിച്ചാണ് ഫ്രെെസ് ഇവിടെ തയ്യാറാക്കുന്നത്.
വേണ്ട ചേരുവകള്‍
• പച്ചക്കായ 2 എണ്ണം
• കോണ്‍ ഫ്ലോർ? 1 സ്പൂണ്‍
• വെളിച്ചെണ്ണ 2 സ്പൂണ്‍
• മുളക് പൊടി 1 സ്പൂണ്‍
• ഉപ്പ് ആവശ്യത്തിന്
• മയോണെെസ് 2 സ്പൂണ്‍
• കിഡ്നി ബീൻസ് 3 സ്പൂണ്‍
• അവാക്കാഡോ 1 എണ്ണം
• തക്കാളി 1 എണ്ണം
• ഒറിഗാനോ 1 സ്പൂണ്‍
• ചില്ലി ഫ്ളാക്സ് 1 സ്പൂണ്‍
തയ്യാറാക്കുന്ന വിധം
ആദ്യം പച്ചക്കായ നീളത്തില്‍ അരിഞ്ഞെടുക്കുക. ശേഷം അതിലേക്ക് കോണ്‍ ഫ്ളോർ ചേർക്കുക. ശേഷം നന്നായി യോജിപ്പിക്കുക. ശേഷം ഒരു പാനില്‍ വെളിച്ചെണ്ണ ഒഴിക്കുക. നന്നായി തിളച്ച ശേഷം അരിഞ്ഞ് വച്ചിരിക്കുന്ന പച്ചക്കായ ഇടുക. ബ്രൗണ്‍ നിറമാകുന്നത് വറുത്തെടുക്കുക. ശേഷം മുളക് പൊടിയും ഉപ്പും ചേർത്ത് മിക്സ് ചെയ്ത് എടുക്കുക. ശേഷം അല്‍പം മയോണെെസ് ചേർക്കുക. അതിലേക്ക് രണ്ട് സ്പൂണ്‍ വേവിച്ച കിഡ്നി ബീൻസ് ചേർക്കുക. ശേഷം അതിലേക്ക് ഒരു അവാക്കാഡോയും ഒരു തക്കാളിയും ഒറിഗാനോയും ചില്ലി ഫ്ളാക്സും ചേർത്ത് യോജിപ്പിച്ചെടുക്കുക. ശേഷം കഴിക്കുക.