ഇന്നലെ സ്കൂളിലേക്ക് പോയ പ്ലസ് വണ്‍ വിദ്യാര്‍ത്ഥി ഇതുവരെ തിരിച്ചെത്തിയില്ല; വരവൂരില്‍ തിരച്ചില്‍; കാണാതായെന്ന് പരാതി
തൃശൂർ: എരുമപ്പെട്ടി സ്വദേശിയായ വിദ്യാർത്ഥിയെ കാണാതായതായി പരാതി. മന്തിയത്ത് വീട്ടില്‍ സുരേഷിൻ്റെ മകൻ അനന്തനെയാണ്(16) കാണാതായത്.വരവൂർ ഗവ.ഹയർ സെക്കണ്ടറി സ്കൂളിലെ പ്ലസ് വണ്‍ വിദ്യാർത്ഥിയാണ്. ഇന്നലെ രാവിലെ സ്കൂളിലേക്ക് പോകുന്നുവെന്ന് പറഞ്ഞാണ് അനന്തൻ പോയത്. എന്നാല്‍ വൈകീട്ട് തിരിച്ചെത്താത്തതിനെ തുടർന്ന് വീട്ടുകാർ അന്വേഷിച്ചപ്പോഴാണ് അനന്തൻ സ്‌കൂളില്‍ എത്തിയില്ലെന്ന് മനസിലായത്. പിന്നാലെ ബന്ധുക്കളുടെ വീടുകളിലും സുഹൃത്തുക്കളോടും അന്വേഷിച്ചെങ്കിലും കണ്ടെത്താൻ കഴിഞ്ഞില്ല. എരുമപ്പെട്ടി പോലീസില്‍ പരാതി നല്‍കിയതിനെ തുടർന്ന് കേസെടുത്ത് അന്വേഷണം ആരംഭിച്ചു.