പാലക്കാട്: പാലക്കാട് വാളയാറില്‍ പൊലീസ് കസ്റ്റഡിയിലെടുത്ത രണ്ട് വാഹനങ്ങള്‍ക്ക് തീവെച്ചു. വാളയാർ പൊലീസ് സ്റ്റേഷന് സമീപം ദേശീയ പാതയില്‍ നിർത്തിയിട്ടിരിക്കുകയായിരുന്നു വാഹനങ്ങള്‍ക്കാണ് തീവെച്ചത്.സംഭവത്തില്‍ ഒരാള്‍ പൊലീസിൻ്റെ പിടിയിലായി. വാഹനം കത്തിച്ചതായി സംശയക്കുന്ന ചുള്ളിമട സ്വദേശി പോളാണ് പിടിയിലായതെന്ന് പൊലീസ് പറഞ്ഞു.
മദ്യലഹരിയിലാണ് വാഹനം കത്തിച്ചതെന്നാണ് സൂചന. പോള്‍ മദ്യപിച്ച്‌ ബഹളം വെച്ചതിനെ തുട൪ന്ന് പൊലീസ് കസ്റ്റഡിയിലെടുത്തിരുന്നു. ഇതിന്റെ ദേഷ്യത്തിലാണ് ഇയാള്‍ വാഹനങ്ങള്‍ക്ക് തീയിട്ടത്. താനാണ് വാഹനങ്ങള്‍ക്ക് തീയിട്ടതെന്ന് പോള്‍ സമ്മതിച്ചതായി പൊലീസ് പറഞ്ഞു. പോളിനൊപ്പം ജാമ്യമെടുക്കാനെത്തിയ രണ്ടു പേരെയും പൊലീസ് കസ്റ്റഡിയിലെടുത്തിട്ടുണ്ട്.