ഒളിവിലായിരുന്ന പ്രതികളെ അറസ്റ്റ് ചെയ്തു.
പൊന്നാനി: പൊന്നാനി ഫിഷർമെൻ കോളനിയിൽവെച്ച് യുവാവിനെ കല്ലുകൊണ്ട് കുത്തി മുഖത്തെ എല്ല് പൊട്ടിക്കുകയും പല്ല് തകർക്കുകയും ചെയ്ത കേസിൽ ഒളിവിലായിരുന്ന പ്രതികളെ പൊന്നാനി പൊലീസ് അറസ്റ്റ് ചെയ്തു.
പൊന്നാനി മുക്കാടി സ്വദേശി ആല്യാമാക്കാനകത്ത് ഹസൻകോയ (32), പൊന്നാനി എം.ഇ.എസ് കോളജ് സ്വദേശി മായിൻറകത്ത് സിറാജുദ്ദീൻ (31), പൊന്നാനി ടി.ബി ആശുപത്രി സ്വദേശി പിക്കിന്റെ ഹമീദ് (33) എന്നിവരാണ് അറസ്റ്റിലായത്.
സംഭവശേഷം ഒളിവിലായിരുന്ന പ്രതികളെ രഹസ്യ വിവരത്തിന്റെ അടിസ്ഥാനത്തിലാണ് അറസ്റ്റ് ചെയ്തത്. മൂന്നു പേരേയും മഞ്ചേരി സബ് ജയിലിൽ 14 ദിവസത്തേക്ക് റിമാൻഡ് ചെയ്തു.