പീഡന പരാതിയില് മുകേഷിനെതിരെ കുറ്റപത്രം സമര്പ്പിച്ച് പ്രത്യേക അന്വേഷണ സംഘം , ഡിജിറ്റല് തെളിവുകള് കണ്ടെത്തി
കൊച്ചി: നടനും എംഎല്എയുമായ മുകേഷിനെതിരെയുള്ള പീഡന പരാതിയില് കുറ്റപത്രം സമര്പ്പിച്ച് പ്രത്യേക അന്വേഷണ സംഘം. ആലുവ സ്വദേശിയായ നടി ആരോപിച്ച കുറ്റം തെളിഞ്ഞതായി കുറ്റപത്രത്തില് പറയുന്നു. എംഎല്എക്കെതിരെ ഡിജിറ്റല് തെളിവുകളുണ്ട്. എറണാകുളം ജുഡീഷ്യല് മജിസ്ട്രേറ്റ് കോടതിയിലാണ് പ്രത്യേക അന്വേഷണ സംഘം കുറ്റപത്രം സമര്പ്പിച്ചത്.
മുകേഷിനെതിരെയുള്ള ഡിജിറ്റല് തെളിവുകളില് വാട്ട്സ് ആപ്പ് ചാറ്റുകളുണ്ടെന്നും ഇമെയില് സന്ദേശങ്ങളുണ്ടെന്നും കുറ്റപത്രത്തില് പറയുന്നു. കൂടാതെ സാഹചര്യത്തെളിവുകളും സാക്ഷിമൊഴികളും ലഭിച്ചിട്ടുണ്ട്. താരസംഘടന ആയിരുന്ന അമ്മയുടെ അംഗത്വം വാഗ്ദാനം ചെയ്താണ് നടന് മുകേഷ് പല സ്ഥലങ്ങളില് വെച്ച് നടിയെ ലൈംഗികമായി പീഡിപ്പിച്ചതെന്നാണ് കേസ്. ലൈംഗികാതിക്രമ വകുപ്പ് കൂടി ചേര്ത്താണ് മുകേഷിനെതിരെ കുറ്റപത്രം സമര്പ്പിച്ചിരിക്കുന്നത്. നടിയുടെ രഹസ്യമൊഴിയടക്കം രേഖപ്പെടുത്തിയിട്ടുണ്ട്. കേസില് മുകേഷിന് മുന്കൂര് ജാമ്യം അനുവദിച്ചിരുന്നു..