തിരുന്നാവായ, കരുളായി പഞ്ചായത്തുകളില്‍ ഉപതിരഞ്ഞെടുപ്പ്: സ്‌കൂളുകള്‍ക്ക് അവധി, മൂന്ന് ദിവസം മദ്യ നിരോധനവും ഏര്‍പ്പെടുത്തി
മലപ്പുറം: കരുളായി പഞ്ചായത്തിലെ വാര്‍ഡ് 12 (ചക്കിട്ടമല), തിരുനാവായ പഞ്ചായത്തിലെ വാര്‍ഡ് എട്ട് ( എടക്കുളം ഈസ്റ്റ് ) എന്നിവിടങ്ങളില്‍ ഉപതിരഞ്ഞെടുപ്പ് നടക്കുന്നതിനാല്‍ പോളിങ് സ്റ്റേഷനുകളായ പുള്ളിയില്‍ ദേവദാര്‍ സ്‌കൂള്‍, അമ്പലപ്പടി ഫസലെ ഉമര്‍ പബ്ലിക് സ്‌കൂള്‍, എടക്കുളം ജിഎല്‍പി സ്‌കൂള്‍ എന്നിവയ്ക്ക് ഫെബ്രുവരി 23നും 24നും ജില്ലാ കലക്ടര്‍ അവധി പ്രഖ്യാപിച്ചു. വോട്ടെടുപ്പ് നടക്കുന്ന വാര്‍ഡുകളിലെ സര്‍ക്കാര്‍ സ്ഥാപനങ്ങള്‍ക്കും വിദ്യാഭ്യാസ സ്ഥാപനങ്ങളും ഫെബ്രുവരി 24ന് അവധിയാണ്. പൊതു പരീക്ഷ നടക്കുന്ന സ്ഥാപനങ്ങള്‍ക്ക് ഉത്തരവ് ബാധകമല്ല.
കരുളായി പഞ്ചായത്തിലെ വാര്‍ഡ് 12 (ചക്കിട്ടമല), തിരുനാവായ പഞ്ചായത്തിലെ വാര്‍ഡ് എട്ട് ( എടക്കുളം ഈസ്റ്റ് ) എന്നിവിടങ്ങളില്‍ ഫെബ്രുവരി 24ന് ഉപതിരഞ്ഞെടുപ്പും ഫെബ്രുവരി 25ന് വോട്ടെണ്ണലും നടക്കുന്നതിനാല്‍ ഈ വാര്‍ഡ് പരിധിയില്‍ ഫെബ്രുവരി 23 മുതല്‍ 25 വരെ മൂന്ന് ദിവസങ്ങളിലായി മദ്യ നിരോധനം ഏര്‍പ്പെടുത്തിയതായി ജില്ലാ കലക്ടര്‍ ഉത്തരവ് പുറപ്പെടുവിച്ചു.