മഞ്ജു വാര്യരുടെ പരാതിയിൽ സംവിധായകന് കസ്റ്റഡിയില്
തിരുവനന്തപുരം: സംവിധായകന് സനല്കുമാര് ശശിധരന് പൊലീസ് കസ്റ്റഡിയില്. നെയ്യാറ്റിന്കരയില് നിന്നാണ് പൊലീസ് കസ്റ്റഡിയില് എടുത്തത്. മഞ്ജു വാര്യരുടെ പരാതിയിലാണ് നടപടി. നേരത്തെ കൊച്ചി എളമക്കര പൊലീസ് മഞ്ജുവിന്റെ പരാതിയില് സനല്കുമാര് ശശിധരനെതിരെ കേസെടുത്തിരുന്നു.
ഭീഷണിപ്പെടുത്തല്, ഐടി ആക്ട് എന്നീ വകുപ്പുകള് യുവാവിനെതിരെ ചുമത്തിയിട്ടുണ്ട്. സനല്കുമാര് ശശിധരന് ഫേസ്ബുക്കിലൂടെ നടത്തിയ പ്രതികരണങ്ങളെത്തുടര്ന്നാണ് മഞ്ജു വാര്യര് പരാതി നല്കിയത്.
മഞ്ജു വാര്യരുടെ ജീവന് ഭീഷണിയിലാണെന്നും അവര് മാനേജര്മാരുടെ തടവറയില് ആണെന്നും ആരോപിച്ച് സനല്കുമാര് ശശിധരന് നേരത്തെ നിരന്തരം ഫേസ്ബുക്ക് പോസ്റ്റുകള് ഇട്ടിരുന്നു. നേരത്തെ തന്റെ സാമൂഹിക മാധ്യമ പോസ്റ്റുകള്ക്ക് പിന്നാലെ പൊലീസ് സ്റ്റേഷനില് നിന്നെന്ന് പറഞ്ഞ് തനിക്ക് ഫോണ് കോളുകള് വന്നിരുന്നെന്ന് നേരത്തെ ഒരു ഫേസ്ബുക്ക് പോസ്റ്റില് സനല്കുമാര് അറിയിച്ചിരുന്നു. നടിയെ ആക്രമിച്ച കേസില് വധ ഗൂഢാലോചനയുമായി ബന്ധപ്പെട്ട് മഞ്ജു വാര്യരുടെ മൊഴിയെടുത്തതിന് തൊട്ടുപിന്നാലെയാണ് അന്വേഷണ ഉദ്യോഗസ്ഥനെ മാറ്റിയതെന്നും മഞ്ജുവിന്റെ ജീവന് ഭീഷണിയുണ്ടെന്നും സംവിധായകന് ഫേസ്ബുക്ക് പോസ്റ്റ് പങ്കുവെച്ചത്.
തന്റെ ‘കയറ്റം’ എന്ന സിനിമയുടെ സെറ്റില് മാനേജര്മാരുടെ നിയന്ത്രണത്തിലായിരുന്നു നടിയെന്നും അവര് ഒരു ടെന്റിലാണ് താമസിച്ചിരുന്നത് എന്നതുള്പ്പെടെള്ള കാര്യങ്ങള് സനല്കുമാര് ചൂണ്ടിക്കാണിച്ചിരുന്നു. മഞ്ജു നായികയായ ചിത്രം പൂര്ണ്ണമായും ഹിമാലയത്തിലാണ് ചിത്രീകരിച്ചത്.