കടത്തിയ സ്വർണം തട്ടിയെടുക്കാൻ മറ്റൊരു സംഘത്തെ ഏൽപിച്ചു; യാത്രക്കാരനടക്കം പിടിയിൽ
മലപ്പുറം: സ്വര്ണക്കടത്ത് മാഫിയയെ പറ്റിച്ച് സ്വര്ണം കടത്താന് കാരിയറുടെ നീക്കം. കരിപ്പൂര് വിമാനത്തവളം വഴി ഒളിപ്പിച്ചു കടത്തിയ സ്വര്ണം യാത്രക്കാരന്റെ അറിവോടെ തട്ടിയെടുക്കാനെത്തിയ സംഘവും യാത്രക്കാരനെയും കരിപ്പൂര് പോലീസ് അറസ്റ്റു ചെയ്തു.
പരപ്പനങ്ങാടി കുഞ്ഞിക്കാന്റെ പുരക്കല് മൊയ്തീന് കോയ(52), പരപ്പനങ്ങാടി പള്ളിച്ചന്റെ പുരക്കല് മുഹമ്മദ് അനീസ്(32), നിറമരുതൂര് ആലിന്ചുവട് പുതിയന്റകത്ത് സുഹൈല്(36), പരപ്പനങ്ങാടി പള്ളിച്ചാന്റെ പുരക്കല് അബ്ദുള് റൗഫ്(36), യാത്രക്കാരനായ തിരൂര് കാളാട് കവീട്ടില് മഹേഷ്(42) എന്നിവരാണ് അറസ്റ്റിലായത്.
ജിദ്ദയില് നിന്നു കരിപ്പൂരിലെത്തിയ മഹേഷ് ശരീരത്തില് ഒളിപ്പിച്ച് 974 ഗ്രാം സ്വര്ണ മിശ്രിതം കസ്റ്റംസിനെ വെട്ടിച്ച് പുറത്തുകടത്തിയിരുന്നു. എന്നാല് ഈ സ്വര്ണം ഇയാളുടെ അറിവോടെ തന്നെ തട്ടിയെടുക്കാന് നാല്വര് സംഘത്തെ ഏല്പ്പിച്ചു.
ക്വട്ടേഷന് സംഘം സ്വര്ണം തട്ടിയെടുക്കാന് എത്തുന്ന വിവരം പോലീസിന് ലഭിച്ചതോടെയാണ് പോലീസ് നാലുപേരെ വിമാനത്താവള പരിസരത്ത് വച്ചു തന്നെ പിടികൂടിയത്. തുടര്ന്ന് നടത്തിയ ചോദ്യം ചെയ്യലിലാണ് യാത്രക്കാരന് തന്നെയാണ് തട്ടിക്കൊണ്ടു പോകാന് ഇവരെ ഏല്പ്പിച്ചതെന്നു കണ്ടെത്തിയത്. ഇതോടെ യാത്രക്കാരനെയും അറസ്റ്റ് ചെയ്തു. ഇയാളില് നിന്നു കണ്ടെടുത്ത സ്വര്ണ മിശ്രിതത്തില് നിന്നു 885 ഗ്രാം സ്വര്ണം പോലിസ് കണ്ടെടുത്തു. കരിപ്പൂര് പോലീസ് പിടികൂടുന്ന 50 മത്തെ സ്വര്ണക്കടത്ത് കേസാണിത്.