അധ്യാപകദിനത്തിൽ വേറിട്ട ആദരവുമായി ബ്രൈഡൽ ക്രാഫ്റ്റ് ടീം
തിരൂർ: അധ്യാപകദിനാഘോഷത്തിന്റെ ഭാഗമായി ഭിന്നശേഷിക്കാരായ കുട്ടികളുടെ ഉന്നമനത്തിനായി ജീവിതം ഉഴിഞ്ഞുവെച്ച അധ്യാപകർക്ക് ആദരമർപ്പിച്ച് തിരൂർ ബ്രൈഡൽ ക്രാഫ്റ്റ് ടീം. തിരൂർ ബഡ്സ് സ്പെഷ്യൽ സ്കൂളിലെ അധ്യാപകരായ ഷൈജ ടീച്ചർ, മുഹമ്മദ് അജ്മൽ, കൂടാതെ കിൻഷിപ്പ് ‘എ ഹോം ഫോർ ഡിഫറന്റ്ലി ഏബിൾഡ്’ സ്ഥാപനത്തിലെ ആബിദ ടീച്ചർ എന്നിവരെയാണ് അധ്യാപകദിനത്തിൽ നേരിട്ടെത്തി ആദരിച്ചത്.
കിൻഷിപ്പിൽ വെച്ച് നടന്ന ചടങ്ങിൽ ഡയറക്ടർ നാസർ കുറ്റൂർ അധ്യക്ഷത വഹിച്ചു. ബ്രൈഡൽ ക്രാഫ്റ്റ് ജനറൽ മാനേജർ കുമാർ അധ്യാപകർക്ക് ഉപഹാരങ്ങൾ (മെമന്റോ) നൽകി ആദരിച്ചു. സഫീദ ഹുസൈൻ നന്ദി രേഖപ്പെടുത്തി.
ഭിന്നശേഷിയുള്ള കുട്ടികളുടെ പുനരധിവാസത്തിനും വിദ്യാഭ്യാസത്തിനുമായി ഈ അധ്യാപകർ നടത്തുന്ന നിസ്വാർത്ഥ സേവനം ഏവർക്കും മാതൃകാപരമാണെന്ന് ചടങ്ങിൽ സംസാരിച്ചവർ അഭിപ്രായപ്പെട്ടു.
ചടങ്ങുകൾക്ക് ബ്രൈഡൽ ക്രാഫ്റ്റ് എച്ച്.ആർ. മാനേജർ ഹിഷാം, മാർക്കറ്റിംഗ് മാനേജർ ഹാരിസ്, മാർക്കറ്റിംഗ് എക്സിക്യൂട്ടീവ് ഫസീല എന്നിവർ നേതൃത്വം നൽകി.