മെസിയുടെ പേരിലെ തട്ടിപ്പ്; ആന്റോ അഗസ്റ്റിന്റെ മുൻകൂർ ജാമ്യാപേക്ഷ തീർപ്പാക്കി
കൊച്ചി: മെസ്സിയെ എത്തിക്കാം എന്ന പേരിൽ നടന്ന തട്ടിപ്പുമായി ബന്ധപ്പെട്ട് റിപ്പോട്ടർ ടിവി മാനേജിങ് എഡിറ്റർ ആന്റോ അഗസ്റ്റിൻ സമർപ്പിച്ച മുൻകൂർ ജാമ്യപേക്ഷ തീർപ്പാക്കി. നിലവിൽ ചോദ്യം ചെയ്യൽ മാത്രമാണ് നടക്കുന്നതെന്നും അറസ്റ്റ് ആലോചിച്ചിട്ടില്ലെന്നും പൊലീസ് അറിയിച്ചതോടെയാണ് എറണാകുളം പ്രിൻസിപ്പൽ സെഷൻസ് കോടതി ഹർജി തീർപ്പാക്കിയത്. കഴിഞ്ഞ ദിവസം ഈ ഹർജിയിന്മേൽ വിശദമായ നടന്നിരുന്നു.
എസ്ഐടി നോട്ടീസ് നൽകി ചോദ്യം ചെയ്യലിനായി ആന്റോ അഗസ്റ്റിനെ വിളിപ്പിക്കുമെന്നാണ് വിവരം. ഓഫീസിലും വീട്ടിലുമായി നടത്തിയ റെയ്ഡിന്റെ കൂടുതൽ വിവരങ്ങൾ സമാഹരികുകയാണ് പൊലീസ്. കണ്ടെത്തിയതിൽ ചിലതിന്റെ ഫോറൻസിക് പരിശോധന ഫലവും ലഭിക്കേണ്ടതുണ്ട് എങ്കിൽ മാത്രമേ ചോദ്യം ചെയ്യലിലേക്ക് പൊലീസിന് കടക്കാനാകു.