വെള്ളരിക്കുണ്ട് (കാസർകോട്): ശാരീരികക്ഷമതാ പരിശോധനയ്ക്കിടെ (ബാറ്റില്‍ ഫിസിക്കല്‍ എബിലിറ്റി ടെസ്റ്റ്-ബിപിഇടി) കുഴഞ്ഞുവീണ് ചികിത്സയിലായിരുന്ന മലയാളി ജവാൻ മരിച്ചു.ഡല്‍ഹി ആർമി ഹെഡ്ക്വാർട്ടേഴ്സ് സിഗ്നല്‍ റെജിമെന്റിലെ ഹവില്‍ദാർ വെള്ളരിക്കുണ്ട് പന്നിത്തടം അരുണ്‍ രാമകൃഷ്ണൻ (34) ആണ് മരിച്ചത്.
സെപ്റ്റംബർ ഒന്നിന് രാവിലെ ബിപിഇടിക്കിടയില്‍ കുഴഞ്ഞുവീണ അരുണിനെ ആർആർ ആസ്പത്രിയില്‍ പ്രവേശിപ്പിച്ചിരുന്നു. അടിയന്തര ചികിത്സ നല്‍കിയെങ്കിലും ഫലമുണ്ടായില്ല. ബുധനാഴ്ച രാത്രിയോടെ മരിച്ചു. ഏതാനും മാസം മുമ്ബാണ് നാട്ടില്‍ വന്നുപോയത്.
പിതാവ്: രാമകൃഷ്ണൻ. മാതാവ്: പി. തങ്കമണി. ഭാര്യ: ശരണ്യ (വെള്ളരിക്കുണ്ട് ബെവ്കോ ജീവനക്കാരി). സഹോദരങ്ങള്‍: ആനന്ദ്, അരവിന്ദ്. മൃതദേഹം വെള്ളരിക്കുണ്ടിലെത്തിച്ചു. സൈനിക ബഹുമതിയോടെ സംസ്കരിച്ചു.