ചാമ്പ്യന്‍സ് ലീഗില്‍ ആഴ്‌സണലിന് വിജയം
ചാമ്പ്യന്‍സ് ലീഗില്‍ തകര്‍പ്പന്‍ വിജയം സ്വന്തമാക്കി ആഴ്‌സണല്‍. ഒളിമ്പിയാക്കോസിനെതിരായ മത്സരത്തില്‍ എതിരില്ലാത്ത രണ്ട് ഗോളുകളുടെ വിജയമാണ് ആഴ്‌സണല്‍ സ്വന്തമാക്കിയത്. സൂപ്പര്‍ താരങ്ങളായ ഗബ്രിയേല്‍ മാര്‍ട്ടിനെല്ലിയും ബുകായോ സാകയും ഗണ്ണേഴ്‌സിന് വേണ്ടി ഗോളുകള്‍ കണ്ടെത്തി.
സ്വന്തം തട്ടകത്തില്‍ നടന്ന മത്സരത്തിന്റെ 12-ാം മിനിറ്റില്‍ തന്നെ ആഴ്‌സണല്‍ ലീഡെടുത്തു. ഗബ്രിയേല്‍ മാര്‍ട്ടിനെല്ലിയാണ് ആതിഥേയരുടെ ആദ്യഗോള്‍ നേടിയത്. ഇഞ്ചുറി ടൈമില്‍ ബുകായോ സാക കൂടി ഗോള്‍ കണ്ടെത്തിയതോടെ ആഴ്‌സണല്‍ വിജയമുറപ്പിച്ചു.