ആഷസ് ടെസ്റ്റില്‍ ഓസീസിന് വമ്ബൻ തിരിച്ചടി; സൂപ്പര്‍ താരങ്ങള്‍ പരിക്കുമൂലം പുറത്ത്
ആഷസ് പരമ്ബരയ്ക്ക് ഒരുങ്ങുന്ന ഓസ്ട്രേലിയൻ ടീമിന് തിരിച്ചടി. സ്ഥിരം ക്യാപ്റ്റൻ പാറ്റ് കമ്മിൻസ് പരിക്കേറ്റ് പുറത്തായതിന് പിന്നാലെ ഹേസല്‍വുഡും പരിക്കേറ്റ് പുറത്തായി.
പെർത്തില്‍ നടക്കുന്ന ആദ്യ ടെസ്റ്റില്‍ ഇരുവരും കളിക്കില്ല.
ഈ രണ്ട് പ്രധാന താരങ്ങളെ കൂടാതെ നേരത്തെ ഷോണ്‍ അബോർട്ടും പരിക്കുമൂലം പുറത്തായിരുന്നു. ഇവർക്ക് പകരം യുവ പേസർ മൈക്കല്‍ നെസറിനെ ടീമില്‍ ഉള്‍പ്പെടുത്തി.
2025 നവംബർ 21ന് പെർത്തിലാണ് ആഷസിലെ ആദ്യ ടെസ്റ്റ് ആരംഭിക്കുന്നത്. അഞ്ചു ടെസ്റ്റുകളാണ് ഈ പരമ്ബരയിലുള്ളത്. 2026 ജനുവരി നാലിനാണ് അവസാന ടെസ്റ്റ്. ലോക ടെസ്റ്റ് ചാമ്ബ്യൻഷിപ്പ് സർക്കിളിലെ ഏറ്റവും ശ്രദ്ധേയമായതും ചരിത്രമുള്ളതുമായ ടെസ്റ്റ് പരമ്ബരയാണ് ഇംഗ്ലണ്ടും ഓസ്‌ട്രേലിയയും തമ്മില്‍ ഏറ്റുമുട്ടാറുള്ള ആഷസ് ടെസ്റ്റ്.
