തിരുവനന്തപുരം: സംസ്ഥാനത്ത് നാളെ നടത്താനിരുന്ന ഹയർസെക്കൻഡറി രണ്ടാം പാദ വാർഷിക (ക്രിസ്മസ്) ഹിന്ദി പരീക്ഷ മാറ്റിവെച്ചു.സാങ്കേതിക കാരണങ്ങളാലാണ് പരീക്ഷ മാറ്റിയതെന്ന് പൊതുവിദ്യാഭ്യാസ വകുപ്പ് അറിയിച്ചു.
പുതുക്കിയ തീയതി പ്രകാരം പരീക്ഷ ജനുവരി 5-ന് നടക്കും. ചോദ്യപേപ്പർ മാറി പൊട്ടിച്ചതാണ് പരീക്ഷ മാറ്റാൻ കാരണമെന്നാണ് സൂചന. ഔദ്യോഗികമായി സാങ്കേതിക കാരണങ്ങള് എന്നാണ് അറിയിപ്പ്.
അവധി ദിനങ്ങളില് മാറ്റം
ഡിസംബർ 15-ന് ആരംഭിച്ച പരീക്ഷകള് ഈ മാസം 23-ന് അവസാനിക്കും. ഡിസംബർ 24 മുതല് ജനുവരി 5 വരെയാണ് സ്കൂളുകള്ക്ക് ക്രിസ്മസ് അവധി നിശ്ചയിച്ചിരിക്കുന്നത്. തദ്ദേശ സ്വയംഭരണ തെരഞ്ഞെടുപ്പിന്റെ പശ്ചാത്തലത്തില് പരീക്ഷാ തീയതികളില് മാറ്റം വന്നതോടെയാണ് ഇത്തവണ ക്രിസ്മസ് അവധി 12 ദിവസമായി വർധിച്ചത്. സാധാരണയായി 10 ദിവസമാണ് അവധി ലഭിക്കാറുള്ളത്.
