കമ്പികള്‍ അഴിച്ചുമാറ്റുന്നതിനിടെ ലൈന്‍മാന്‍ പോസ്റ്റിലിരുന്ന് മരിച്ചു
മാള: കൊമ്പൊടിഞ്ഞാമാക്കല്‍ കെഎസ്ഇബിയിലെ ലൈന്‍മാന്‍ കമ്പികള്‍ അഴിച്ചുമാറ്റുന്നതിനിടെ പോസ്റ്റിലിരുന്ന് മരിച്ചു. തിരുവനന്തപുരം കിളിമാനൂര്‍ സൂരജ് ഭവനില്‍ ഭാസ്‌കരന്‍ ആചാരിയുടെ മകന്‍ സുധീഷ് (50) ആണ് മരിച്ചത്.
കുഴിക്കാട്ടുശ്ശേരി ഗ്രാമിക ജങ്ഷനില്‍ സംസ്ഥാന പാതയോരത്തെ പോസ്റ്റില്‍ കമ്പികള്‍ അഴിച്ചുമാറ്റുന്നതിനിടെയായിരുന്നു അപകടം. ഹൃദയാഘാതമാണ് മരണകാരണമെന്നാണ് സംശയിക്കുന്നത്. ഇന്ന് പോസ്റ്റുമോര്‍ട്ടത്തിനുശേഷം മൃതദേഹം ബന്ധുക്കള്‍ക്ക് വിട്ടുനല്‍കും.