കരിപ്പൂരിൽ കസ്റ്റംസ് പരിശോധന കഴിഞ്ഞിറങ്ങിയ ആളിൽ നിന്ന് സ്വർണ്ണം പിടികൂടി; കടത്തിയത് ക്യാപ്‌സൂൾ രൂപത്തിൽ
കോഴിക്കോട്: കരിപ്പൂരിൽ വീണ്ടും വൻ സ്വർണ വേട്ട.കരിപ്പൂരിൽ കസ്റ്റംസ് പരിശോധന കഴിഞ്ഞ് പുറത്ത് കടന്ന യാത്രക്കാരനിൽ നിന്ന് സ്വർണ്ണം പിടികൂടി. 42 കാരനായ പ്രതി ഇസ്മയിൽ പാലോത്താണ് പിടിയിലായത്.ഇയ്യംകോട് നാദാപുരം സ്വദേശിയാണ് പിടിയിലായ ഇസ്മയിൽ.
ക്യാപ്‌സ്യൂൾ രൂപത്തിൽ ശരീരത്തിൽ ഒളിപ്പിച്ച നിലയിലായിരുന്നു സ്വർണം കടത്തിയത്. നാല് ക്യാപ്‌സ്യൂളിലാക്കിയ 800 ഗ്രാം സ്വർണ്ണമാണ് ഇയാളിൽ നിന്നും പിടികൂടിയത് .ദോഹയിൽ നിന്ന് എയർ ഇന്ത്യാ എകസ് പ്രസിൽ 9.30 ന് വിമാനത്തിൽ എത്തിയ പ്രതി 11:45 ന് പുറത്ത് എത്തി വാഹന പാർക്കിംഗ് ഏരിയയിൽ നിന്നാണ് കരിപ്പൂർ പോലീസ് ഇയാളെ വലയിലാക്കിയത്. ഇയാളെ സ്വീകരിക്കാൻ എത്തിയ ഇഖ്ബാൽ എ കാക്കൂർ നന്മമണ്ട സ്വദേശിയും വാഹനവും പോലീസ് കസ്റ്റഡിയിലാണ്. വിമാനത്താവളത്തിൽ ഹെൽപ്പ് ഡസ്‌ക്ക് തുടങ്ങിയതിന് ശേഷം ഇത് മൂന്നാമത്തെ തവണയാണ് പോലീസ് പുറത്ത് നിന്നും സ്വർണ്ണം പിടികൂടുന്നത്.