സംസ്‌കൃത അധ്യാപകര്‍ ധര്‍ണ്ണ നടത്തി
മലപ്പുറം : എല്‍ പി വിഭാഗം സംസ്‌കൃത വിദ്യാര്‍ത്ഥികളുടെ സ്‌കോളര്‍ഷിപ്പ് വിതരണം ചെയ്യണമെന്നാവശ്യപ്പെട്ട് സംസ്‌കൃത അധ്യാപകര്‍ മലപ്പുറം ഡി ഡി ഇ ഓഫീസിന് മുന്നില്‍ ധര്‍ണ്ണ നടത്തി.
കേരള സംസ്‌കൃത അധ്യാപക ഫെഡറേഷന്‍ ജില്ലാ കമ്മറ്റിയുടെ ആഭിമുഖ്യത്തില്‍ നടന്ന ധര്‍ണ്ണ പി ഉബൈദുള്ള എം എല്‍ എ ഉദ്ഘാടനം ചെയ്തു.ഡോ സുദേവ് കൃഷ്ണ ശര്‍മ്മന്‍ അധ്യക്ഷത വഹിച്ചു.
കെ ഡി എസ് ടി എഫ് സംസ്ഥാന സെക്രട്ടറി പി പത്മനാഭന്‍,സംസ്ഥാന സമിതി അംഗങ്ങളായ ഡോ സി പി ഷൈലജ ടീച്ചര്‍,കെ ടി ശിവകുമാര്‍,മുന്‍ സംസ്ഥാന സമിതി അംഗം പി രമേശന്‍ നമ്പീശന്‍എന്നിവര്‍ സംസാരിച്ചു.ജില്ലാ സെക്രട്ടറി കെ മുഹമ്മദ് റിയാസ് സ്വാഗതവും ജില്ലാ പ്രസിഡന്റ് ഹരിഗോവിന്ദ് മാസ്റ്റര്‍ നന്ദിയുംപറഞ്ഞു.