ജോര്‍ജിന് ചീമുട്ടയേറ്, ബിജെപിയുടെ സപ്പോര്‍ട്ട്
തിരുവനന്തപുരം: മതവിദ്വേഷ പ്രസംഗം നടത്തിയ കേസില്‍ പൊലീസ് പിടിയിലായ പി സി ജോര്‍ജിനെതിരെ ഡിവൈഎഫ്‌ഐയുടെ കരിങ്കൊടി പ്രതിഷേധം. തിരുവനന്തപുരം എ.ആര്‍ ക്യാമ്പിന് മുന്നിലാണ് ഡിവെഎഫ്‌ഐ പ്രവര്‍ത്തകരുടെ പ്രതിഷേധം. പട്ടത്ത് പി സി ജോര്‍ജിന്റെ വാഹനത്തിന് നേരെ ചീമുട്ടയേറ് ഉണ്ടായി. കനത്ത പൊലീസ് വിന്ന്യാസമാണ് എ. ആര്‍ ക്യാമ്പിന് മുന്നിലുള്ളത്.
അതേസമയം അഭിവാദ്യമര്‍പ്പിച്ച് ബിജെപിയും രംഗത്തുണ്ട്.
തിരുവനന്തപുരം ഫോര്‍ട്ട് പൊലീസാണ് പുലര്‍ച്ചെ അഞ്ചിന് ഈരാറ്റുപേട്ടയിലെ വീട്ടിലെത്തി ജോര്‍ജിനെ കസ്റ്റഡിയിലെടുത്തത്. ഡിജിപി അനില്‍ കാന്തിന്റെ നിര്‍ദേശപ്രകാരമാണ് കേസെടുത്തത്. ഐപിസി 153 എ വകുപ്പു പ്രകാരമാണ് കേസ്.