ദുരന്ത നിവാരണ പരിശീലനം നല്‍കി
മലപ്പുറം : നഗരസഭ കുടുംബശ്രീ സി ഡി എസിന് കീഴിലെ ജന്റല്‍ റിസോഴ്‌സ് സെന്ററിന്റെ നേതൃത്വത്തില്‍ ജൂനിയര്‍ വിജിലന്റ് ഗ്രൂപ്പ് അംഗങ്ങള്‍ക്ക് ദുരന്ത നിവാരണ പരിശീലനം നല്‍കി. ആപത് ഘട്ടങ്ങളിലും അടിയന്തിര സാഹചര്യങ്ങളിലും കുട്ടികള്‍ ഇടപെടേണ്ട രീതികളെക്കുറിച്ച് ബോധവല്‍ക്കരണം നല്‍കി.
മലപ്പുറം ഫയര്‍ ആന്റ് റസ്‌ക്യൂ ഡിപ്പാര്‍ട്ടുമെന്റിലെ ഓഫീസര്‍ പ്രദീപ് പരിശീലന ക്ലാസ് നയിച്ചു. ജി ആര്‍ സി കമ്യൂണിറ്റി കൗണ്‍സിലര്‍ നൗഷിദ ഒ കെ ലഹരി വിരുദ്ധ ബോധല്‍ക്കരണ ക്ലാസുമെടുത്തു. നഗരസഭ വികസനകാര്യ സ്ഥിരം സമിതി ചെയര്‍മാന്‍ പി. കെ സക്കീര്‍ ഉദ്ഘാടനം ചെയ്തു.
സിഡി എസ് 1 ചെയര്‍പേഴ്‌സണ്‍ അനൂജ ദേവി വി എ, സിഡിഎസ് മെമ്പര്‍മാരായ നുസ്രത്ത് എന്‍, പ്രഭ സി, സുജാത സി, ആയിഷാബി, ജാസ്മിന്‍ പി കെ, സുലൈഖ ഇ, ഷീന പി, സി ഡി എസ് അക്കൗണ്ടന്റ് നവാസ് ടി എന്നിവര്‍ സംസാരിച്ചു.