ലഹരിവിരുദ്ധ സെമിനാറും യാത്രയയപ്പ് സമ്മേളനവും സംഘടിപ്പിച്ചു.

തിരൂർ: പ്രമുഖ പരിസ്ഥിതി സംഘടനയായ ഓയിസ്ക ഇൻറർനാഷണൽ തിരൂർ ചാപ്റ്ററും കോളേജും സംയുക്തമായി ലോക ലഹരി വിരുദ്ധ ദിന പരിപാടികൾ സംഘടിപ്പിച്ചു .
പോലിസ് ലൈൻ കോൺഫറൻസ് ഹാളിൽ സംഘടിപ്പിച്ച പരിപാടി എക്സൈസ് എസ്ഐ ഒ.സജിദ ഉദ്ഘാടനം ചെയ്തു

.ഒയിസ്ക പ്രസിഡന്റ് കെകെ റസാഖ് ഹാജി അധ്യക്ഷത വഹിച്ച ചടങ്ങിൽ എക്സൈസ് പ്രിവന്റീവ് ഓഫീസർ ടി യൂസഫലി ക്ലാസിന് നേതൃത്വം നൽകി, തുടർന്ന് ലഹരി വിരുദ്ധ പ്രതിജ്ഞ ചൊല്ലിക്കൊടുത്തു ചടങ്ങിൽ തിരൂരിൽ നിന്ന് ട്രാൻഫർ ആയി പോകുന്ന ഒ.സജിദക്ക് യാത്രയയപ്പും നൽകി . കോളേജ് ഡയറക്ടറും ഒയിസ്ക സെക്രട്ടറിയുമായ ഷമീർ കളത്തിങ്ങൽ സ്വാഗതവും മലബാർ ഷഫീഖ് നന്ദിയും . ഖാദർ കൈനിക്കര, കെ പ്രദീപ്കുമാർ , പികെ ശരണ്യ എന്നിവർ ആശംസകൾ അർപ്പിച്ചു. പരിപാടിയിൽ നിരവധി അധ്യാപകരും വിദ്യാർത്ഥികളും പങ്കെടുത്തു