ജൂനിയര്‍ എൻടിആര്‍ നായകനാകുന്ന പുതിയ ചിത്രം വൻ ക്യാൻവാസിലാണ് ഒരുങ്ങുന്നത്; ‘ദേവര’യുടെ വിഎഫ്‍ക്സിനായി മാത്രം 150 കോടി
ജൂനിയര്‍ എൻടിആര്‍ നായകനാകുന്ന പുതിയ ചിത്രമാണ് ‘ദേവര’. കൊരടാല ശിവയാണ് ചിത്രത്തിന്റെ സംവിധാനം. ജാൻവി കപൂര്‍ ചിത്രത്തില്‍ നായികയാകുന്നു. ചിത്രത്തിന്റെ വിഎഫ്‍ക്സിനെ കുറിച്ചുള്ള ഒരു വാര്‍ത്തയാണ് ഇപ്പോള്‍ ആരാധകരെ ആവേശത്തിലാക്കുന്നത്.
വിഎഫ്‍എക്സ് ബജറ്റ് മാത്രം 150 കോടി ആണെന്ന് ട്രേഡ് അനലിസ്റ്റ് മനോബാല വിജയബാലൻ സാമൂഹ്യ മാധ്യമത്തിലൂടെ അറിയിക്കുന്നു. ആക്ഷനും പ്രാധാന്യം നല്‍കിയിട്ടുള്ള മാസ് ചിത്രം ആയിരിക്കും ദേവര. രത്‍നവേലു ആണ് ഛായാഗ്രാഹണം നിര്‍വഹിക്കുന്നത്. സാബു സിറിലാണ് പ്രൊഡക്ഷൻ ഡിസൈൻ.
അനിരുദ്ധി രവിചന്ദറാണ് ചിത്രത്തിന്റെ സംഗീതം. റെക്കോര്‍ഡ് പ്രതിഫലമായിരിക്കും ജാൻവി കപൂര്‍ ചിത്രത്തിനായി വാങ്ങിക്കുക എന്നാണ് റിപ്പോര്‍ട്ട്. സെയ്‍ഫ് അലി ഖാനാണ് വില്ലനായി ചിത്രത്തില്‍ എത്തുക. പ്രകാശ് രാജ്, മേക ശ്രീകാന്ത്, ഷൈൻ ടോം ചാക്കോ എന്നിവരും ‘ദേവര’യില്‍ വേഷമിടുന്നു.