ഈ ടൊയോട്ട കാറുകള്‍ക്ക് ഒന്നരലക്ഷം വരെ വിലക്കിഴിവ്
അടുത്ത ഏതാനും ദിവസങ്ങള്‍ക്കുള്ളില്‍ നിങ്ങള്‍ ഒരു പുതിയ കാർ വാങ്ങാൻ പദ്ധതിയിടുകയാണെങ്കില്‍, നിങ്ങള്‍ക്കൊരു വലിയ വാർത്തയുണ്ട്.
മുൻനിര ജാപ്പനീസ് കാർ നിർമ്മാതാക്കളായ ടൊയോട്ട മോട്ടോഴ്‌സ് 2024 ഏപ്രിലില്‍ അതിൻ്റെ മൂന്ന് മോഡലുകള്‍ക്ക് 1.50 ലക്ഷം രൂപ വരെ കിഴിവ് വാഗ്ദാനം ചെയ്യുന്നു. ഇതുകൂടാതെ, ഈ കാറുകള്‍ക്ക് ബമ്ബർ എക്സ്ചേഞ്ച് ബോണസും വിപുലീകൃത വാറൻ്റിയും കമ്ബനി വാഗ്ദാനം ചെയ്യുന്നുണ്ട്. ഏപ്രില്‍ മാസത്തില്‍ ടൊയോട്ട കാറുകളില്‍ ലഭ്യമായ കിഴിവുകളെ കുറിച്ച്‌ വിശദമായി അറിയാം.
ടൊയോട്ട അതിൻ്റെ ജനപ്രിയ ഹാച്ച്‌ബാക്ക് ഗ്ലാൻസയില്‍ ഏപ്രില്‍ മാസത്തില്‍ 20,000 രൂപയുടെ എക്സ്ചേഞ്ച് ബോണസും 20,000 രൂപയുടെ ആക്‌സസറികളും വാഗ്ദാനം ചെയ്യുന്നു. എന്നിരുന്നാലും, ഈ കാലയളവില്‍, ഉപഭോക്താക്കള്‍ക്ക് ഗ്ലാൻസയില്‍ ഏതെങ്കിലും ക്യാഷ് ഡിസ്കൗണ്ടിൻ്റെ പ്രയോജനം ലഭിക്കില്ല. അതേസമയം, ഈ കാലയളവില്‍ ടൊയോട്ട കാമ്രിയില്‍ ഉപഭോക്താക്കള്‍ക്ക് 1.50 ലക്ഷം രൂപ കിഴിവ് ലഭിക്കും. ഇതുകൂടാതെ, ഈ കാറിന് സൗജന്യ വിപുലീകൃത വാറൻ്റിയും ലഭ്യമാണ്. അതേസമയം ഈ കാലയളവില്‍ ടൊയോട്ട ഹൈറൈഡറില്‍ 30,000 രൂപയുടെ എക്സ്ചേഞ്ച് ബോണസും വിപുലീകൃത വാറൻ്റിയും 27,000 രൂപ വരെ വിലയുള്ള സൗജന്യ ആക്‌സസറികളും ലഭ്യമാണ്. എങ്കിലും, ഹൈറൈഡറിനും ക്യാഷ് ഡിസ്‌കൗണ്ട് ഇല്ല.
ടൊയോട്ട കാമ്രിക്ക് 2.5 ലിറ്റർ പെട്രോള്‍ എഞ്ചിനുണ്ട്. കൂടാതെ ഇലക്‌ട്രിക് മോട്ടോറും 218 ബിഎച്ച്‌പി പരമാവധി പവർ സൃഷ്ടിക്കാൻ കഴിവുള്ളതാണ്. ഈ കാറിൻ്റെ ക്യാബിനില്‍, ഉപഭോക്താക്കള്‍ക്ക് 9 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, വയർലെസ് ഫോണ്‍ ചാർജർ, 9-സ്പീക്കർ ജെബിഎല്‍ സൗണ്ട് സിസ്റ്റം, മൂന്ന് ഇഞ്ച് ക്ലൈമറ്റ് കണ്‍ട്രോള്‍ തുടങ്ങിയ സവിശേഷതകള്‍ നല്‍കിയിട്ടുണ്ട്. ഇതിന് പുറമെ സുരക്ഷയ്ക്കായി ഒമ്ബത് എയർബാഗുകളും കാറിലുണ്ട്. ടൊയോട്ട കാമ്രി അഞ്ച് സീറ്റുള്ള കാറാണ്. 46.17 ലക്ഷം രൂപയാണ് ടൊയോട്ട കാമ്രിയുടെ വിപണിയിലെ എക്‌സ് ഷോറൂം വില.
അതേസമയം വില്‍പ്പന കണക്കുകള്‍ പരിശോധിക്കുമ്ബോള്‍ കഴിഞ്ഞ മാസം, അതായത് 2024 മാർച്ചില്‍, ടൊയോട്ട ഇന്ത്യയില്‍ മൊത്തം 25,119 യൂണിറ്റ് കാറുകള്‍ വിറ്റഴിച്ചു. വാർഷികാടിസ്ഥാനത്തില്‍ 34.5 ശതമാനം വർദ്ധനവാണ് ഇത് കാണിക്കുന്നത് എന്നാണ് റിപ്പോര്‍ട്ടുകള്‍.