ഓടിക്കൊണ്ടിരുന്ന മോട്ടോര്‍ ബൈക്കിന് തീപ്പിടിച്ചു
കാസർകോട് : ഹോട്ടലില്‍ നിന്നും ഭക്ഷണം കഴിച്ച്‌ പുറത്തിറങ്ങും വഴി ഓടിക്കൊണ്ടിരുന്ന മോട്ടോർ ബൈക്കിന് തീപ്പിടിച്ചു.ചൊവ്വാഴ്‌ച ഉച്ചയ്ക്ക് 2.30 ന് പടന്ന എടച്ചാക്കൈയിലെ ഹോട്ടലിന്റെ പ്രധാന കവാടത്തിനു മുന്നില്‍ വെച്ചാണ് സംഭവം.തളിപ്പറമ്ബ് സ്വദേശി ആഷിക്കിന്റെതാണ് ബൈക്ക്. ബൈക്ക് ഏറെ സമയം വെയിലത്ത് ആയിരുന്നു നിർത്തിയിട്ടിരുന്നത്.
സഹോദരനും സുഹൃത്തും ഹോട്ടലിന്റെ പാർക്കിങ്ങില്‍ ബൈക്ക് വച്ച്‌ ഭക്ഷണം കഴിച്ചശേഷം ബൈക്കില്‍ കയറി പുറത്തിറങ്ങവേയാണ് ബൈക്കില്‍ നിന്നും തീ ഉയർന്നത്. ബൈക്ക് നിർത്തി ഇറങ്ങുമ്ബോഴേക്കും തീ പടർന്നു. തൃക്കരിപ്പൂരില്‍ നിന്നും അഗ്നിശമനസേന എത്തിയാണ് തീ അണച്ചത്.