ദില്ലി: അഹമ്മദാബാദ് വിമാന ദുരന്തത്തിലെ പ്രാഥമിക അന്വേഷണ റിപ്പോര്‍ട്ട് രണ്ടാഴ്ചക്കുള്ളിലെന്ന് വ്യക്തമാക്കി വ്യോമയാനമന്ത്രാലയം. നിലപാട് പാര്‍ലമെന്ററി സമിതികളെ ഇന്നറിയിക്കും. ബ്ലാക്ക് ബോക്‌സ് മെമ്മറി കഴിഞ്ഞ 25 ന് ഡീകോഡ് ചെയ്തിട്ടുണ്ട്. ദില്ലിയിലെ ലാബില്‍ പരിശോധന തുടരുകയാണ്. സിവില്‍ ഏവിയേഷന്‍ സെക്രട്ടറി സമീര്‍ കുമാര്‍ സിന്‍ഹ ഹാജരാകും. വിമാന കമ്പനി പ്രതിനിധികളെ നാളെ കേള്‍ക്കുമെന്നും അറിയിപ്പ്. എയര്‍ ഇന്ത്യ, ബോയിംഗ് പ്രതിനിധികള്‍ നാളെ സമിതികള്‍ക്ക് മുന്‍പില്‍ ഹാജരാകണം. പബ്ലിക് അക്കൗണ്ട്‌സ് കമ്മിറ്റിയും ട്രാന്‍സ്‌പോര്‍ട്ട് സ്റ്റാന്‍ഡിംഗ് കമ്മിറ്റിയുമാണ് അഹമ്മദാബാദ് ദുരന്തം പരിഗണിക്കുന്നത്.