ലാലേട്ടൻ വീണ്ടും പൊലീസ് വേഷത്തില്‍; ആഷിഖ് ഉസ്മാൻ നിര്‍മ്മിക്കുന്ന ‘L365’ലേക്ക് ബിനു പപ്പുവും
ലാലേട്ടനെ കേന്ദ്ര കഥാപാത്രമാക്കി ആഷിഖ് ഉസ്മാൻ പ്രൊഡക്ഷൻസ് നിർമ്മിക്കുന്ന പുതിയ വലിയ പ്രോജക്ടായ ‘L365’ ന്റെ ഒരുക്കങ്ങള്‍ വേഗത്തിലാണ്.ചിത്രത്തിന്റെ ഏറ്റവും പുതിയ അപ്ഡേഷൻ പ്രകാരം, മികച്ച കഥാപാത്രങ്ങളിലൂടെ പ്രേക്ഷകരെ ആകർഷിച്ച ബിനു പപ്പു ഇപ്പോള്‍ ചിത്രത്തില്‍ ക്രിയേറ്റീവ് ഡയറക്ടറായി ജോയിൻ ചെയ്തിരിക്കുകയാണ്. ഡാൻ ഓസ്റ്റിൻ തോമസ് ആണ് ചിത്രം സംവിധാനം ചെയ്യുന്നത്. ‘തല്ലുമാല’, ‘വിജയ് സൂപ്പറും പൗർണമിയും’ തുടങ്ങിയ ചിത്രങ്ങളിലൂടെ ശ്രദ്ധ നേടിയ നടനുമായ അദ്ദേഹം, ‘അഞ്ചാംപാതിര’യുടെ ചീഫ് അസോസിയേറ്റ് ഡയറക്ടറുമായിരുന്ന അനുഭവം സംവിധാനത്തിന് ശക്തി പകരുന്നു.
ചിത്രത്തിന്റെ കഥ-തിരക്കഥ-സംഭാഷണം രതീഷ് രവി ആണ് ഒരുക്കുന്നത്. ‘അടി’, ‘ഇഷ്‌ക്’ എന്നീ ചിത്രങ്ങള്‍ക്ക് ശേഷം രതീഷ് രവി ഒരുക്കുന്ന മറ്റൊരു പ്രധാന തിരക്കഥയായി ‘L365’ മാറുന്നു. ‘തന്ത വൈബ്’, ‘ടോർപിഡോ’ എന്നിവയ്ക്ക് ശേഷം ആഷിഖ് ഉസ്മാൻ പ്രൊഡക്ഷൻസ് ഒരുക്കുന്ന ഏറ്റവും വലിയ ബഡ്ജറ്റ് ചിത്രവുമാണ് ഇത്. അവസാനം ‘തുടരും’, ‘എമ്ബുരാൻ’ എന്നീ ചിത്രങ്ങളിലൂടെ വൻ വിജയങ്ങള്‍ സ്വന്തമാക്കിയ മോഹൻലാല്‍, ഏറെ നാളുകള്‍ക്ക് ശേഷം വീണ്ടും പോലീസ് വേഷത്തില്‍ എത്തും എന്ന വാർത്ത ഇതിനകം തന്നെ സോഷ്യല്‍ മീഡിയയില്‍ വലിയ ചർച്ചയാക്കിയിരിക്കുകയാണ്.
റിലീസായ പോസ്റ്ററില്‍, ഒരു വാഷ് ബേസിന്റെ കണ്ണാടിയില്‍ ‘L365’ എന്ന പേര്‌യും അണിയറപ്രവർത്തകരുടെ പേരുകളും എഴുതിയിരിക്കുന്ന ദൃശ്യമാണുള്ളത്. സമീപത്ത് തൂക്കി വെച്ചിരിക്കുന്ന പോലീസ് ഷർട്ടാണ് ലാലേട്ടന്റെ ലുക്കിനെക്കുറിച്ച്‌ ആരാധകർക്ക് കൂടുതല്‍ ആവേശം നല്‍കുന്നത്. ആഷിഖ് ഉസ്മാൻ പ്രൊഡക്ഷൻസിന്റെ ബാനറില്‍ മോഹൻലാല്‍ ആദ്യമായി നായകനാകുന്ന ചിത്രം എന്ന പ്രത്യേകതയും ‘L365’ ന്റെ ഹൈലൈറ്റുകളില്‍ ഒന്നാണ്. ചിത്രത്തിന്റെ ഷൂട്ടിംഗ് ഉടൻ ആരംഭിക്കുമെന്ന് നിർമ്മാണസംഘം അറിയിച്ചു. പ്രേക്ഷകരും ആരാധകരും കാത്തിരിക്കുന്ന ഒരേയൊരു ചോദ്യം “മോഹൻലാല്‍ സ്റ്റൈലിഷ് കാക്കി കുപ്പായത്തില്‍ എപ്പോഴാണ് വീണ്ടും എത്തുന്നത്?”.