ചരിത്ര സത്യങ്ങള്‍ സംരക്ഷിക്കപ്പെടണം ഡോ: അനില്‍ വള്ളത്തോള്‍
മലപ്പുറം;ചരിത്ര സത്യങ്ങള്‍ മാറ്റിമറിക്കപ്പെടുകയും അന്യവല്‍ക്കരിക്കപ്പെടുകയും ചെയ്യുന്ന ഈ കാലഘട്ടത്തില്‍ യഥാര്‍ത്ഥ ചരിത്ര വസ്തുതകള്‍ വരും തലമുറക്കായ് രേഖപ്പെടുത്തി സൂക്ഷിക്കുകയും സംരക്ഷിക്കുകയും അത് പ്രചരിപ്പിക്കുകയും ചെയ്യണമെന്ന് മലയാള സര്‍വകലാശാല വൈസ് ചാന്‍സലര്‍ ഡോ നില്‍ വള്ളത്തോള്‍.
കേരള ബില്‍ഡിംഗ് ഓണേഴ്‌സ് വെല്‍ഫെയര്‍ അസോസിയേഷന്‍ കാളികാവ് മേഖല കമ്മിറ്റി പ്രസിദ്ധീകരിച്ച നമ്മുടെ നാട്: ചരിത്രം, വര്‍ത്തമാനം എന്ന പുസ്തകം അസോസിയേഷന്‍ ജില്ലാ കന്‍വന്‍ഷനില്‍ പ്രകാശനം ചെയ്ത് പ്രസംഗിക്കുകയായിരുന്നു അദ്ദേഹം. ജില്ല പഞ്ചായത്ത് അംഗം വി.പി ജസീറ പുസ്തകം ഏറ്റുവാങ്ങി
എ.പി.അനില്‍കുമാര്‍ എം.എല്‍.എ ചടങ്ങ് ഉദ്ഘാടനം ചെയ്തു. മേഖല പ്രസിഡന്റ് വി.ടി.മുഹമ്മദ് റാഫി അദ്ധ്യക്ഷത വഹിച്ചു. പഞ്ചായത്ത് പ്രസിഡന്റ് ഗോപി താളിക്കുഴി, ബില്‍ഡിംഗ് ഓണേഴ്‌സ് സംസ്ഥാന പ്രസിഡന്റ് പഴേരി ഷരിഫ് ഹാജി, ജനറല്‍ സെക്രട്ടറി നടരാജന്‍ പാലക്കാട്, വര്‍ക്കിംഗ് സെക്രട്ടറി പി.പി.അലവിക്കുട്ടി വൈസ് പ്രസിഡന്റ് കെ.എസ് മംഗലം, സെക്രട്ടറി ചങ്ങരംകുളം മൊയ്തുണ്ണി, പാലക്കാട് ജില്ല സെക്രട്ടറി റീഗള്‍ മുസ്തഫ, വാര്‍ഡ് മെമ്പര്‍ രമ, വ്യാപാരി വ്യവസായി ഏകോപന സമിതി മണ്ഡലം പ്രസിഡന്റ് സിബി വയലില്‍, യൂണിറ്റ് പ്രസിഡന്റ് എറമ്പത്ത് കരീം, മുതിര്‍ന്ന പത്രപ്രവര്‍ത്തകന്‍ ഫ്രാന്‍സിസ് ഓണാട്ട്, ഡോ.കെ.പി മുസ്തഫ ഹാജി, പാപ്പറ്റ കുഞ്ഞിമുഹമ്മദ്, തെക്കേടത്ത് നാസര്‍, ഡോ.നസീഫ് പി.പി, സി.ഷറഫുദ്ധീന്‍ എന്നിവര്‍ പ്രസംഗിച്ചു.