ഫുട്ബോൾ മത്സരത്തിനിടെ മുൻ ജില്ലാതാരം കുഴഞ്ഞുവീണ് മരിച്ചു
പാലക്കാട്: ഫുട്ബോൾ മത്സരത്തിനിടെ മുൻ ജില്ലാ താരം കുഴഞ്ഞുവീണ് മരിച്ചു. മണ്ണാർക്കാട് ആര്യമ്പാവ് നായാടിപ്പാറ നീർക്കാവിൽ എൻ സി കുട്ടന്‍ (56) ആണ് മരിച്ചത്. ഞായറാഴ്‌ച വൈകീട്ട് ആര്യമ്പാവ് ഗ്രൗണ്ടിൽകളിക്കുന്നതിനിടെ കുഴഞ്ഞുവീണ ഇദ്ദേഹത്തെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
കാലിക്കറ്റ്‌ യൂണിവേഴ്സിറ്റി റിട്ട. ജീവനക്കാരനും പാലക്കാട് ജില്ലാ ഫുട്ബോൾ താരവുമായിരുന്ന ഇദ്ദേഹം പാലക്കാട് പിഎസ്എഫ്സി, അൽമദീന ചെർപ്പുളശേരി എന്നീ ടീമുകൾക്കായി കളിച്ചിട്ടുണ്ട്.