ഗുഡ്‌സ് ഓട്ടോയും പാസഞ്ചര്‍ ഓട്ടോയും കൂട്ടിയിടിച്ച് രണ്ടുപേര്‍ മരിച്ചു.
പാലക്കാട്: ആനക്കര ഗുഡ്‌സ് ഓട്ടോയും പാസഞ്ചര്‍ ഓട്ടോയും കൂട്ടിയിടിച്ച് രണ്ടുപേര്‍ മരിച്ചു. ആനക്കര ചേക്കോട് കോറാത്ത് മുഹമ്മദ് (50), മലപ്പുറം ആതവനാട് പാറ വെട്ടിക്കാട്ട് വീട്ടില്‍ സൈഫുദ്ദീന്‍ (21) എന്നിവരാണ് മരിച്ചത്.
ഞായറാഴ്ച രാത്രി 7.30ഒാടെ ആനക്കര സ്കൈ ലാബിലായിരുന്നു അപകടം. ഗുരുതര പരിക്കേറ്റ ഇരുവരെയും എടപ്പാളിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. പാസഞ്ചര്‍ ഓട്ടോ ഡ്രൈവര്‍ ആനക്കര മേപ്പാടം കൊള്ളാട്ട് വളപ്പില്‍ മുനീര്‍ (35), ഗുഡ്‌സ് ഓട്ടോ ഡ്രൈവര്‍ ആതവനാട് പാറ അജ്മല്‍ ഹുസൈന്‍ (20) എന്നിവർക്ക് പരിക്കേറ്റു.
കാറ്ററിങ് സർവിസ് നടത്തി പടിഞ്ഞാറങ്ങാടി ഭാഗത്തുനിന്ന് ആതവനാട് ഭാഗത്തേക്ക് പോവുകയായിരുന്ന ഗുഡ്‌സ് ഓട്ടോയും ആനക്കരയില്‍നിന്ന് ചേക്കോട് ഭാഗത്തേക്ക് പോകുന്ന ഓട്ടോയുമാണ് അപകടത്തിൽപെട്ടത്. ഗുഡ്‌സ് ഓട്ടോ സൈഫുദ്ദീന്റെ ദേഹത്തേക്ക് മറിയുകയായിരുന്നു. മുഹമ്മദിന്റെ ഭാര്യ സലീന. മക്കള്‍: ഷാഹിന, ഷംന, നിഷ.